لوگوں کا ٹھا ٹھیں مارتا سمندر ، جوش و خروش رات گئے جاری رہا
جمہوریہ ترکیہ کی 99 ویں سالگرہ کے موقع پر خصوصی طور پر ترکیہ کے مختلف شہروں میں عظیم اور مشہور گلوکاروں نے بلدیاتی اداروں کے زیر اہتمام کنسرٹس میں اسٹیض پر آکر عوام کے دلوں کو گرمادیا ۔ ترکیہ کے مختلف شہروں میں ہونے والے کنسرٹس میں آجدہ پیکان، کنعان دوعلو ، نیلوفر، دیمت آقالن، اعوزحان کوچ، سیمگے، زینپ باستک، نے قومی ترانے اور نغمے گاتے ہوئے 29 اکتوبر یومِ جمہوریہ کے جوش خروش کو بلندیوں تک پہنچادیا۔
آجدہ پیکان
صفِ اول کی مشہور ترک گلوکارہ آجدہ پیکان نے 29 اکتوبر کو یوم جمہوریہ ترکیہ کے مو قع پر استنبول قورو چشمے میں اپنا کنسرٹ پیش کیا اور لوگوں کے دل جیت لیے ۔پیکان نے اس موقع پر کہا کہ اگرچہ وہ بہت باتونی خاتون ہیں لیکن میں یومِ جمہوریہ کے موقع پر عوام کے سامنے ان کی قوّتِ گویائی سلب ہوچکی ہے۔ 29 اکتوبر کو یوم جمہوریہ کے موقع پر آپ کے ساتھ مل کر منانا میرے لیے خوشی کا باعث ہے۔
کنعان دعولو – انقرہ
کنعان دعولو نے ہفتہ 29 اکتوبر کو انقرہ اتاترک فاریسٹ فارم میں اپنے عزیز عوام کے ساتھ یومِ جمہوریہ ترکیہ کی 99 ویں سالگرہ منائی۔
نیلوفر – برصا
نیلوفر نے برصا کےعوام کے ساتھ مل کر 29 اکتوبر یوم جمہوریہ بڑے جوش و خروش سے منایا۔
مشہور گلوکارہ نیلوفر نے برصا میٹروپولیٹن میونسپلٹی کے زیر اہتمام کنسرٹ میں حصہ لیا، انہوں ننے اس موقع پر ” میرا وطن٫ اور 10 دسویں سال کے قومی نغمے کو ترک پرچموں کو لہراتے ہوئے گا کر لوگوں کے دل گرمادیے ۔ نیلو فر نے اس موقع پر کہا کہ عظیم رہنما اتاترک کی جانب سے ہمیں ارمغان کردہ 29 اکتوبر یوم جمہوریہ کی 99 ویں سالگرہ ایک ساتھ جوش و خروش سے منا رہے ہیں ۔ میں اس موقع پر اپنے آباؤ اجداد، شہدا اور سابق فوجیوں کو خراج تحسین پیش کرتی ہوں ۔ زندہ باد جمہوریہ ترکیہ ۔
فاتح ایرکوچ-قبرص
فاتح ایرکوچ نے 29 اکتوبر یوم جمہوریہ کے موقع پر کیرینیا، قبرص میں ایک کنسرٹ دیا۔ ایرکوچ نے اس سال اپنے فن کی 55 ویں سالگرہ بھی مناتے ہوئے کہا کہ کہ وہ گانوں کی چوائس کا ذخیرہ اپنے پاس رکھتے ہیں ۔ وہ جاز سے لے کر عربیسک ، کلاسیکی موسیقی سے لے کر پاپ میوزک گانے کے ماہر ہیں۔ انہوں نے کہا کہ نوجوان نسل نے پاپ میوزک کا رنگ و روپ تبدیل کرکے رکھ دیا ہے۔ ایر کوچ نے اپنے صحتمند ہونے کا ذکر کرتے ہوئے کہا کہ وہ باقاعدگی سے ادویات کا استعمال کررہے ہیں اور برے دن پیچھے چھوڑ دیے ہیں جس میں ان کے مداحوں نے بڑا اہم کردار ادا کیا ہے۔
سیمگے بالک ایسر
سیمگے نے 29 اکتوبر کے یوم جمہوریہ کی تقریبات میں برہانیہ میونسپلٹی کے زیر اہتمام کنسرٹ میں اپنی پسند کے نغمے گاتے ہوئے لوگوں کے دل موہ لیے ۔
گُلبین ایرگین -ازمیر، استنبول
گُلبین ایرگین نے پہلے ازمیر اور پھر استنبول میں منعقد ہونے والے کنسرٹس میں حصہ لیا۔ ۔ ایرگین نے اپنے اس کنسرٹرس میں 29 اکتوبر کے یوم جمہوریہ کے لیے خصوصی طور پر تیار کردہ نغموں کو پیش کیا اور رات گئے تک اپنے اس کنسرٹس میں نغمے گا کر لوگوں کے دلوں کو گرمادیا۔