وزیرِ اعظم پاکستان شہباز شریف کی جانب سے بھجوائی گئی سمری پر صدرِ مملکت کے دستخطوں کے بعد جنرل عاصم منیر پاکستان کے نئے آرمی چیف مقرر کر دیے گئے ہیں۔ جنرل ساحر شمشاد مرزا چیئرمین جوائنٹ چیفس آف اسٹاف کمیٹی ہوں گے۔
جمعرات کی شام صحافیوں سے گفتگو کرتے ہوئے وزیرِ دفاع خواجہ محمد آصف نے تصدیق کی کہ صدرِ مملکت نے فوج کی ان اہم تعیناتیوں کی سمری پر دستخط کر دیے ہیں۔
اس سے قبل وفاقی وزیرِ اطلاعات مریم اورنگزیب نے جمعرات کو ایک سوشل میڈیا پوسٹ میں بتایا تھا کہ وزیرِ اعظم شہباز شریف نے آئینی اختیار استعمال کرتے ہوئے لیفٹننٹ جنرل ساحر شمشاد مرزا کو چیئرمین جوائنٹ چیفس آف اسٹاف کمیٹی اور لیفٹننٹ جنرل عاصم منیر کو چیف آف دی آرمی اسٹاف مقرر کرنے کا فیصلہ کیا ہے۔
آرمی چیف جنرل حافظ سید عاصم منیر شاہ کون ہیں ؟
راولپنڈی کے ایک مضافاتی علاقے ڈھیری حسن آباد سے تعلق رکھنے والا ایک سادات خانوادہ ، والد راولپنڈی کے علاقے جھنڈا چیچی کے ایک تکنیکی سکول کے استاد جو بعد میں ہیڈ ماسٹر ریٹایر ہویے۔ والد کی دیانتداری اور شہرت کے ابھی بھی انکے شاگرد مداح ہیں ۔
جنرل عاصم منیر کا داخلہ منگلا کے او ٹی ایس (آفیسرز ٹریننگ سکول )میں ہوا اور وہاں امتیازی نمبرز اور اعزازی شمشیر سے نوازا گیا پاک فوج میں بطور افسر شاندار انفنٹری یونٹ ۲۳ ایف ایف میں شمولیت اختیار کی ۔
بطور لیفٹیننٹ کرنل عاصم منیر نے سعودی عرب میں بھی فرائض سرانجام دیے ہیں۔ عاصم منیر نے جنرل قمر جاوید باجوہ کے ساتھ بطور بریگیڈیئر فورس کمانڈ ناردرن ایریاز بھی کام کیا ہے، جنرل قمر جاوید باجوہ اُس وقت ٹین کور کمانڈ کر رہے تھے۔
اپنی سروس کے دوران وہ متعدد پوسٹوں پر تعینات رہے تاہم ان کی اہم تعیناتی سنہ 2017 میں بطور ڈائریکٹر جنرل ملٹری انٹیلیجنس (ڈی جی ایم آئی) تھی جس کے بعد سنہ 2018 میں انھیں لیفٹیننٹ جنرل کے عہدے پر ترقی دی گئی۔
سنہ 2019 میں انھیں کور کمانڈر 30 کور یعنی گوجرانوالہ میں بھی تعینات کیا گیا تھا اور اکتوبر 2021 میں انھوں نے اس عہدے کی کمانڈ لیفٹیننٹ جنرل محمد عامر کے سپرد کی تھی۔
اپنے کیریئر کے دوران وہ لگ بھگ آٹھ ماہ کے لیے ڈائریکٹر جنرل انٹر سروسز انٹیلیجینس ایجنسی (آئی ایس آئی) بھی کام کر چکے ہیں۔
عاصم منیر تھری سٹار جنرل ہیں اور فی الحال بطور کوارٹر ماسٹر جنرل (کیو ایم جی) پاکستان کی فوج میں ڈیوٹی نبھا رہے ہیں۔
عاصم منیر کی نامزدگی سے قبل ان کے بارے میں تکنیکی بنیادوں پر سوالات بھی اٹھائے جا رہے تھے۔ عاصم منیر 27 نومبر کو ریٹائر ہو رہے تھے اور جنرل قمر جاوید باجوہ 29 نومبر کو۔
باقی معاملات ایک طرف لیکن ایک بات سبھی مانتے ہیں کہ عاصم منیر ایک ’آؤٹ سٹینڈنگ‘ افسر ہیں۔
انکےبارے میں انکے ساتھ کام کرنے والے ساتھیوں سے بات کرنے پر پتا چلا کہ جنرل عاصم بالکل سیدھی بات کے قایل ہیں جسے عام فہم سیدھا سادھا فوجی بندہ کہا جاسکتا ہے گھما پھرا کر بات نہ کرتے ہیں نہ ہی پسند کرتے ہیں ۔ انتہائی محنتی اور خوددار افیسر کی انکی شہرت ہے۔ جنرل عاصم کا خاندانی پس منظر فوجی نہیں ہے نہ ہی انکے سسر کوئی جرنیل ہیں اور اسکے باوجود اپنی محنت اور بغیر کسی لابنگ کے وہ اس عہدے تک پہنچے ہیں جو ان تمام ینگ افسروں کے لیے سبق ہے کہ دونوں افسر چاہے چیف ہوں اور جواینٹ چیف عام پاکستانی گھرانوں سے ہیں بہت ہی محنت کرکے یہاں تک پہنچے ہیں اور پاکستان میں شاید ایک ہی ایسا ادارہ رہ گیا ہے جہاں آج بھی ایک عام پاکستانی کا بچہ اگر جواین کرتاہے تو اہم پوزیشن تک پہنچ سکتا ہے شرط محنت اور استقامت سے کام ہے۔
جنرل عاصم منیر ، نے یونٹ کی کمان کی بعد میں ایف سی این اے میں بھی فرایض ادا کیے، پھر ڈی جی ایم آئی کا اہم عہدہ بھی سنبھالا ، اسکے بعد انہیں جی ایچ کیو میں پروموشن کے بعد تعینات کردیاگیا ، پھر مختصر مدت کے لیے ڈی جی آئی اور پھر کور کمانڈر گوجرانوالہ کی کمان بھی سنبھالی ۔ جنرل عاصم منیر چیف بننے سے پہلے جی ایچ کیو میں کیو ایم جی تھے۔
جنرل عاصم ایک بااصول جنرل ہیں سیاست میں فوج کے عدم مداخلت کے اصول پر عمل پیرا، اور اپنے کام سے کام رکھنے والے۔
اللہ سے دعا ہے کہ انکی تعیناتی قوم کے لیے آسانیاں لیکر آیے اور ملک جس دور سے گزر رہا اس وقت نیے آرمی چیف سے بہت سی امیدیں وابستہ ہیں جو یقینا وقت کیساتھ پوری ہوں گی۔