ترک میڈیا نے پاکستان کے سابق وزیراعظم عمران خان کے روالپنڈی جلسے کے خطاب کو بریکنگ نیوز کے طور پر پیش کیا اور ویب سائٹ پر بھی خبروں کو اپنے صفحہ اول پرنمایاں طور پر جگہ دی ہے۔
ترکیہ کے روزنامہ ” ملت ” کی اپنے صفحہ اول پر عمران خان کے بارے میں خبر کی سرخی ہے: "قاتلانہ حملے کے بعد ، پہلی بار عمران خان کا چیلنج "
روزنامہ ترکیہ کی سرخی ہے : پاکستان کے سابق وزیراعظم عمران خان نے صوبائی اسمبلیوں سے مستعفی ہونے کا اعلان کردیا
ترکی کے سرکاری نشریاتی ادارے ٹی آر ٹی کی صفحہ اول پر سرخی ہے: پاکستان میں عمران خان کی جماعت صوبائی اسمبلیوں سے مستعفی ہو جائے گی
سی این این ترک کی صفحہ اول پر ہیڈنگ ہے : عمران خان پر قاتلانہ حملے کے بعد پہلی بار اپنے حمایتیوں سے جراتمندانہ خطاب
ترکیہ کے تمام ہی پرنٹ اور الیکٹرونک میڈیا نے قاتلانہ حملے کے بعد عمران خان کے روالپنڈی میں خطاب کو بڑے نمایاں طور پر پیش کیا ہے۔
اس سلسلے میں ترکیہ کے چند ایک بڑے اور اہم نشریاتی اور اشاعتی اداروں کی خبروں کی ہیڈنگز کو میں سابق وزیراعظم عمران خان نے بیان دیا کہ ان کی پارٹی موجودہ سیاسی نظام کا حصہ نہیں بنے گی اور کہا کہ ہم نے تمام صوبائی اسمبلیوں سے مستعفی ہونے اور اس کرپٹ نظام کو چھوڑنے کا فیصلہ کیا ہے۔
پاکستان میں، سابق وزیر اعظم عمران خان نے 3 نومبر کو حملے کے بعد پہلی بار راولپنڈی کے مری روڈ پر اپنے ہزاروں حامیوں سے خطاب کیا۔
بلٹ پروف شیشے کے پیچھے سے خطاب کرتے ہوئے خان نے کہا کہ وہ موجودہ سیاسی نظام کا حصہ نہیں بنیں گے۔ "ہم نے تمام صوبائی اسمبلیوں سے مستعفی ہونے اور اس کرپٹ نظام کو چھوڑنے کا فیصلہ کیا ہے۔
خان نےاپنے خطاب میں کہا کہ وہ اسلام آباد میں داخل ہوسکتے ہیں لیکن انہوں نے کسی بھی افراتفری یا تباہی سے بچنے کے لیے دارالحکومت کی طرف لانگ مارچ نہ کرنے کا فیصلہ کیا ہے۔ انہوں نے مزید کہا کہ وہ جلد ہی صوبائی اسمبلیوں کے اسپیکرز ، وزرائے اعلیٰ اور پارٹی رہنماؤں سے ملاقات کریں گے اور فیصلہ کریں گے کہ ان کے استعفوں کا اعلان کب کرنا ہے۔
خان نے حکومت سے قبل از وقت انتخابات کے اپنے مطالبے کا اعادہ کرتے ہوئے کہا کہ ملک کو معاشی اور سیاسی عدم استحکام سے صرف انتخابات کے ذریعے ہی نجات مل سکتی ہے۔
پاکستان تحریک انصاف (پی ٹی آئی) کے سربراہ عمران خان، خیبرپختونخوا اور پنجاب کے صوبوں، آزاد جموں کشمیر اور گلگت بلتستان کے علاقوں میںاکثریت رکھتے ہیں اور یہاں پر پی ٹی آئی کی حکومتیں قائم ہیں۔
عمران خان کے جلسے میں شرکت کے لیے ہزاروں حامی راولپنڈی میں ان کے جلسے میں شریک ہوئے ۔
جلسہ گاہ میں جہاں پولیس نے بڑے پیمانے پر حفاظتی اقدامات کیے وہیں وقتاً فوقتاً سیکورٹی فورسز اور مظاہرین کے درمیان جھڑپیں بھی ہوتی رہیں۔
جلسے کے باعث اسلام آباد اور راولپنڈی کے داخلی اور خارجی راستے کنٹینرز لگا کر بند کر دیے گئے۔
دارالحکومت میں داخلی اور خارجی راستے بند ہونے کی وجہ سے ریلی سے پہلے اور بعد میں مختلف سڑکوں پر گاڑیوں کی کئی کلومیٹر لمبی قطاریں لگ گئیں۔
یاد رہے عمران خان کی حکومت کو10 اپریل کو پارلیمنٹ میں عدم اعتماد کی وجہ سے گرادیاگیا تھا۔
پاکستان میں تین بار وزیراعظم رہنے والے نواز شریف کے بھائی شہباز شریف 11 اپریل کو پارلیمنٹ میں ہونے والے انتخابات میں 174 ووٹوں کےذریعے وزیراعظم منتخب ہوئے۔
خان پر قاتلانہ حملہ
عمران خان نے 28 اکتوبر کو مخلوط حکومت پر قبل از وقت انتخابات کا دباو ڈالنے کے لیے لاہور سے اسلام آباد تک لانگ مارچ شروع کیا لیکن صوبہ پنجاب کے وزیر آباد کے قریب ان پر قاتلانہ حملہ کیا گیا اور خان کی ٹانگ میں زخم آئے۔ اس واقعے میں جہاں ایک شخص اپنی جان سے ہاتھ دھو بیٹھا اور متعدد زخمی ہوئے، حملہ آور نے اپنے جرم کا اعتراف کرتے ہوئے کہا کہ میں صرف عمران خان کو مارنا چاہتا تھا، کسی اور کو نہیں۔ خان کو علاج کے بعد 6 نومبر کو ہسپتال سے فارغ کر دیا گیا تھا۔
اور عمران خان نے آج راولپنڈی میں جلسے سے خطاب کرتے ہوئی صوبائی اسمبلیوں سے مستعفی ہونے کا جلد ہی اعلان کرنےسے آگاہ کیا ہے۔