ترکیہ کی حزب اختلاف کی 6 جماعتوں کی طرف سے تشکیل دیے گئے گول میز مذاکرات میں 156 صفحات پر مشتمل “مضبوط پارلیمانی نظام آئینی ترمیم” کی تجویز پیش کی گئی۔ تجویز میں موجودہ آئین کے 85 ویں شق میں ترمیم کرنے کا کہا گیا ہے۔صدر کے انتخاب کے لیے حزبِ اختلاف کی طرف سے پیش کردہ تجویز قابلِ توجہ ہے۔
انقرہ کے ایک ہوٹل میں حزب اختلاف کے چھ رہنماؤں کی طرف سے تشکیل دی گئی چھ جماعتوں کے گول میز مذاکرات کے تحت “مضبوط پارلیمانی نظام کے لیے آئینی ترمیم کی تجویز” کو متعارف کروایا گیا۔ اس پروگرام میں ریپبلکن پیپلز پارٹی (CHP) کے چیئرمین کمال کلیچدار اولو گڈ پارٹی (IYI) پارٹی کی چیئرمین پرسن میرال آقشینر ، ڈیموکریٹ پارٹی کے چیئرمین گُلتیکن اوئیسال سعادت پارٹی کے چئیرمین تیمل قارا مولا اولو ، دیوا پارٹی کے چیئرمین علی باباجان اور فیوچر پارٹی کے چیئرمین احمد داود اولو کے علاوہ دیگر افراد نے شرکت کی۔
مذاکرات کے موقع پر چھ جماعتوں کے ماہرین کی جانب سے نئی تیار کردہ تجویز کی پریزنٹیشن دی گئی۔
آرٹیکل 85 میں ترامیم
150 صفحات پر مشتمل مسودے میں موجودہ آئین کے 85 آرٹیکلز میں ترمیم کرنے کی تجویوز پیش کی گئی ہے۔ اس تجویوز کے تحت صدر کے اختیارات کو محدود کردیا گیا ہے۔ اس تجویوز کے مطابق صدر صرف ایک سات سال کے عرصے کے لیے صرف ایک بار ہی منتخب کیا جائے گا۔ منتخب صدر اپنی پارٹی سے تعلوق منقطع کرتے ہوئے ایک غیر جانبدار حیثیت سے فرائض ادا کرے گا۔ صدر جس کی میعاد ختم ہو چکی ہے وہ منتخب سیاسی عہدہ سنبھالنے کے قابل نہیں ہو گا۔
دیگر اہم موضوعات
پیش کردہ تجویزکے مطابق مضبوط پارلیمانی نظام کی آئینی ترمیم کے ساتھ ہی ترکیہ کی قومی اسمبلی ہی کو بین الاقوامی معاہدوں سے دستبردار ہونے کا اختیار حاصل ہو گا، اور ایک حتمی اکاؤنٹس کمیٹی، جس کا چیئرمین حزب اختلاف کی مرکزی جماعت سے ہو گا، قائم کیا جائے گا۔ حکومتی بحرانوں کی روک تھام کے لیے عدم اعتماد کے ووٹ کو اس مقصد کے لیے استعمال کیا جائے گا۔ ہنگامی صورتحال کو منظوری کے لیے بل پارلیمنٹ کی منظوری کے لیے پیش کیا جائے گا۔ سیاسی جماعتوں کو کالعدم قرار دینے کے بارے میں ترکیہ کی قومی اسمبلی کی منظوری بھی درکار ہوگی۔ مجوزہ آئینی ترمیم کےذریعے ہائر ایجوکیشن کونسل کو ختم کر کے سپریم کونسل آف ہائر ایجوکیشن قائم کی جائے گی۔
انتخابات کے فوراً بعدان تجاویز کو اسمبلی میں پیش کیا جائے گا۔
تیار کردہ اس آئینی ترمیم کے پیکج کے دیباچے میں، “ہماری آئینی ترمیم کی تجویز ایک سماجی معاہدے کا مسودہ ہے۔ اس نوعیت کے مطابق، ہم اپنی ترامیم کی تجاویز انتخابات کے فوراً بعد، اکثریت اور مفاہمت کے اصولوں کے مطابق معاشرے کے تمام طبقات کے ساتھ گفت و شنید کے بعد جمہوریت کے لازمی عنصر ترکیہ کی قومی اسمبلی میں پیش کیا جائے گا۔
پروگرام کا اختتام اس آئینی ترمیم کے پیکج کی پریذینٹیشن کےبعد پارٹی کے چھ قائدین نے اسٹیج پر آ کر آئینی ترمیمی کتابچے کے ساتھ تصاویر اتروائیں اوریہ مذاکرات اپنے اختتام کو پہنچے ۔