صدر ایردوان نےکم از کم اجرت والوں کی قسمت

کا فیصلہ سنادیا، کم از کم اجرت 8ہزار 500ٹرکش لیرے

صدر ایردوان نے اس موقع پر بیان دیتے ہوئے کہا کہ اگرچہ اگلے سال کے لیے کم از کم اجرت کا تعین کرنے کے لیے لیبر اینڈ سوشل سیکیورٹی کے اجلاس میں  آجر اور ملازمین کے نمائندے مشترکہ  فیصلہ نہیں کرسکے ہیں۔

انہوں نے کہا کہ  ہم اپنے ملک اور قوم کے مفاد میں کام کررہے ہیں اور  ہم  ملازمین کے نمائندوں کے بھی اس اجلاس میں شرکت  کرنے کے خواہاں تھے لیکن ہم اس فیصلے کو ادھورا نہیں چھوڑ سکتے تھے۔  ہم نے کم از کم اجرتوں کا فیصلہ ملک  اور عوام کے اور  ملک کے عمومی معاشی اور سماجی نقطہ نظر کے مطابق کیا ہے۔

انہوں نے کہا کہ ہمارا ملک 34.7 ملین افرادی قوت کے ساتھ آگے بڑھ رہا ہے  اور یہ روزگار کے ساتھ اپنی تاریخ میں ملازمین کی سب سے زیادہ تعداد تک پہنچ گیا ہے۔

انہوں نے کہا کہ اس عمل میں جب عالمی بحران نے ترقی یافتہ ممالک کو بھی بری طرح ہلا کر رکھ دیا تھا، ترکیہ کی مسلسل ترقی کو پوری دنیا میں دلچسپی سے دیکھا جا رہا ہے۔ ہم اپنے ملک کی ہر کامیابی کو 85 ملین لوگوں کے معیار زندگی کو بہتر بنانے کے لیے استعمال کر رہے ہیں ۔ سرمایہ کاری کی حوصلہ افزائی سے لے کر صنعتی اور زرعی مصنوعات کی حمایت تک ہر شعبے میں اس کوشش کے نتائج دیکھنا ممکن ہے۔

ہم نے جس طریقے سے کنٹریکٹ  پر رکھے گئے ملازمین کی بھرتی کے مسئلے کو حل کیا ہے۔ کسی کو شک نہیں ہونا چاہیے کہ ہم 2023 کے لیے کم از کم اجرت کے اعداد و شمار کا تعین کرتے وقت اسی طرز عمل کے ساتھ کام کرتے ہیں۔

انہوں نے کہا کہ کم از کم اجرت، جو 2002 میں 184 TL تھی میں 142 فیصد اضافہ ہوا۔ پچھلے سال کے آغاز میں ہم نے حالات کو مدنظر رکھتے ہوئے کم از کم اجرت میں 50 فیصد اضافہ کر کے 4 ہزار 253 لیرا کی تھی۔

ہم نے کم از کم اجرت پر انکم ٹیکس اور سٹیمپ ٹیکس بھی ختم کر دیا۔ سال کے دوران مہنگائی میں بے پنای اضافہ ہونے کے نتیجے میں  ہم نے کم از کم اجرت  بڑھا کر  5 ہزار 500 لیرا تک کردی۔ سال کے دوران، ہم نے کم از کم اجرت میں اوسطاً 80 فیصد اور مجموعی طور پر 95 فیصد اضافہ کیا ہے۔

انہوں نے کہا کہ ہم اپنے ملک کو سود، شرح مبادلہ اور مہنگائی کی گرفت سے نکالنے کی کوشش جاری رکھے ہوئے ہیں  اور جلد ہی  اس کا پھل ہمیں ملنا شروع ہو جائے گا اور جلد ہی  ہم افراط زر کی شرح میں تیزی سے کمی کا مشاہدہ کریں گے۔ہم  آئندہ سال کے وسط میں افراط زر کی شرح کو 30 فیصد اور سال کے آخر میں 20 فیصد تک کم کرنے کے لیے پرعزم ہیں اور تمام شہریوں کو اس کے مطابق ہی اقدامات اٹھانے کی اپیل کرتے ہیں۔  کم از کم اجرت کا تعین کرتے ہوئے، ہم نے ایک ایسا طریقہ اختیار کیا ہے جو ماضی کے نقصانات کی تلافی کرے گا ۔