یونان اور امریکہ سمیت دنیا کی نظریں ترکیہ کے دفاعی شعبے کی جانب مرکوز ہے اور زبانِ عام پر ترکیہ کے دفاعی شعبے ہی کے چرچے ہیں
یونان اور امریکہ سمیت دنیا کی نظریں ترکیہ کے دفاعی شعبے کی جانب مرکوز ہے اور زبانِ عام پر ترکیہ کے دفاعی شعبے ہی کے چرچے ہیں۔ترکیہ کی دفاعی صنعت کا شعبہ ہر روز نئے سے نیا ریکارڈ قائم کرنے کے علاوہ قومی وسائل کو استعمال کرتے ہوئے بڑی کامیابی سے ملک کے دفاع کو مضبوط سے مضبوط تر بنا رہا ہے۔شعبہ دفاعی صنعت کے صدر اسماعیل دیمیر نے کہا کہ ہماری دفاعی اور ہوابازی کی برآمدات 4 بلین ڈالر سے تجاوز کر گئی ہیں اور یہ تاریخ کی بلند ترین سطح پر پہنچ گئی ہیں۔
قزل ایلما
صدر اسماعیل دیمیر نے کہا کہ انہوں نے سال 2022 میں اپنے تمام اہداف کو کامیابی سے حاصل کرلیا ہے۔ انہوں نے کہا کہ ترک ڈرانز، بحری پلیٹ فارمز، ، میزائل، الیکٹرانک جنگی نظام، جنہیں قومی وسائل سے ڈیزائن اور تیار کیا گیا اب ترکیہ کی سیکورٹی فورسز کی خدمت میں پیش کردیا گیا ہے۔
انہوں نے کہا کہ صدر، جناب رجب طیب ایردوان کی قیادت میں، ہم2023 میں مکمل طور پر خود مختار دفاعی صنعت کے اپنے ہدف کوقومی ٹیکنولوجی کے ذریعے ایک ایک کرکے حاصل کرنے کا سلسلہ جاری رکھیں گے۔ ترک صدی میں ترکیہ کی دفاعی صنعت لوکوموٹیو کی حیثیت رکھتی ہے اور اس سے فضاء میں ترکیہ کی طاقت چھلک رہی ہے۔
انہوں نے کہا کہ قزل ایلما، بائراکتار ترکیہ کے پہلا ڈرانز ہے ہیں جسے قومی وسائل سے مکمل طور پر تیار کیا گیا اور کامیابی سے پروازوں کو مکمل کیا گیا۔ قزل ایلما اور بائراکتار ڈرانز کو اپنے ڈیزائن کی بدولت ریڈار پر ٹریس کرنا بڑا مشکل کام ہے۔
نیشنل کمبیٹ ایئر کرافٹ (MMU)، جو کہ ترکیہ کے اہم ترین ٹیکنالوجی اور دفاعی صنعت کے منصوبوں میں سے ایک ہے، کو حتمی شکل دینے کے لیے ہینگر منتقل کردیا گیا ہےجو 18 مارچ 2023 کو تجرباتی طور پر اپنی پروازوں کا آغاز کردے گا۔ MMU، 5 ویں جنریشن کا ملٹی رول لڑاکا طیارہ، ہوا سے ہوا اور زمین سے زمین دونوں کی ضروریات پوری کرنے والا اعلیٰ صلاحیتوں کا مالک ہوگا۔
دفاعی صنعت
دفاعی اور ایرو اسپیس انڈسٹری کےاس سال کے مختلف بنیادی ڈھانچے میں سرمایہ کاری کا سلسلہ بھی جاری ہے۔ اس تناظر میں، نیشنل کمبیٹ ایئر کرافٹ انجینئرنگ سینٹر نے ترکیہ کے سب سے بڑے کمپوزٹ پروڈکشن بلڈنگ اور اسپیس سسٹم انجینئرنگ سینٹر نے کام شروع کردیا ہے۔
سیکورٹی فورسز کی جانب سے اندرونِ ملک اور بیرونِ ملک مختلف فوجی آپریشن میں استعمال کیے جانے والے مسلح ڈرانز کی فروخت کا سلسلہ بھی جاری ہے۔ بائراکتار آقنجی ، آق سنگور، بائراکتار ٹی بی 2 ، آنقاہ کے ترک مسلح افواج کے حوالے کیے جانے کے بعد ترک مسلح افواج کی طاقت میں بے پناہ اضافہ ہوا ہے اور ترکیہ نے ان ڈرانز کو غیر ممالک کو بھی فروخت کرنے کا سلسلہ جاری رکھا ہوا ہے جس سے ترکیہ کوبڑے پیمانے نہ صرف آمدنی حاصل ہو رہی ہے بلکہ ترکیہ نے ان ڈرانز کے ذریعےدنیا پر فضائی دھاک بٹھا دی ہے۔