صدر رجب طیب ایردوان نے عام حالات میں 18جون کو ہونے والے صدارتی اور پارلیمانی انتخابات کی تاریخ میں تبدیلی کرتے ہوئے 14 مئی کو منعقد کر نے کا اعلان کیا ہے۔
ترکیہ کی قومی اسمبلی کے جسٹس اینڈ ڈویلپمنٹ پارٹی گروپ اجلاس سے خطاب کرتے ہوئے 14 مئی 2023 کو انتخابات کروانے سے آگاہ کیا ہے۔
انہوں نے پارٹی اجلاس سے خطاب کرتے ہوئے کہا کہ اب کافی ہوچکا ہے ، فیصلہ اور مستقبل عوام ہی کا ہے اور ہم عوام ہی سے حمایت چاہتے ہیں۔
جسٹس اینڈ ڈولپمینٹ پارٹی کے چئیرمین اور جمہوریہ ترکیہ کے صدر رجب طیب ایردوان نے ترکیہ قومی اسمبلی سے خطاب کرتے ہوئے کہا ہے کہ ہمارا سب سے اہم مسئلہ مہنگائی ہے اور اب اس میں کمی آنا شروع ہو گئی ہے۔
انہوں نے کہا کہ ” مجھے امید ہے کہ مستقبل قریب میں افراط زر کی شرح میں بڑی تیزی سے کمی آئے گی اور یہ تیس فیصد تک کم ہو جا ئے گی۔ ہم نے اب مہنگائی کے جال کو توڑ دیا ہے اور تمام احتیاطی تدابیر اختیار کرلی ہیں ۔
انہوں نے ترکیہ میں آئندہ جون میں ہونے والے صدارتی اور پارلیمانی انتخابات کے بارے میں بیان دیتے ہوئے کہ یہ انتخابات اب جون 2023 کو نہیں بلکہ 14 مئی 2023ء کو کروائے جائیں گے۔
انہوں نے کہا کہ ہماری قوم ایک بار پھر آج سے 75 سال قبل 14مئی 1950 کو عدنان میندریس ( جنہیں بعد میں بغاوت کے الزام میں پھانسی سے دی گئی تھی ) نے خطاب کرتے ہوئے کہا تھا ” فیصلے کا اختیار عوام ہی کو حاصل ہے “۔ انہوں نے کہا کہ اس بار بھی عوام ہی فیصلہ کرنی کی مجاز ہ ہوگی ۔ اگرچہ ہمارا مقابلہ 6 جماعتی اتحاد سے ہے لیکن فیصلہ عوام ہی کا ہوگا۔
انہوں نے کہا کہ 2023 ہمارے لیے صرف ایک نیا سال نہیں ہے بلکہ ہم نے اس سال ملک کی بہتری کے لیے بہت اہم ہدف مقرر کیے ہیں۔
2023 کا سال ہماری 20 سالہ خدمت اور ترقی کی عکاسی کرتاہے اور یہی چیز الیکشن کو ہمارے لیے بڑا معنی خیز اور تاریخی بناتی ہے۔ ہماری زندگی میں کبھی بھی انتخابات آسان نہیں رہے ہیں ۔ ہم نے ہر الیکشن کی وقت سے پہلے تیاری کی ہے اور تندہی سے کام لیتے ہوئےاس میں کامیابی حاصل کی ہے۔ ہم نے 2015 کے انتخابی عمل کو فیتو ، پی کے کے اور داعش دہشت گرد تنظیموں کے شدید حملوں کے باوجود کامیابی حاصل کی ہے اور اب جبکہ دنیا بحران کا شکار ہے ترکیہ ان تمام بحرانوں پر قابو پاتے ہوئے 14 مئی 2023ء میں انتخابات کروائے جا رہے ہیں اور دنیا میں ترک ویژن کے ساتھ ترک صدی منا رہے ہیں۔