مغربی میڈیا ان دونوں صدر ایردوان کے خلاف اپنی مہم کو پورے زوروں پر جاری رکھے ہوئے ہے۔ سب سے پہلے دی اکانومسٹ پھر بلومبرگ اور اس کے بعد اب جرمن جریدے سٹرن نے ترکیہ میں ماہ مئی کے عام انتخابات سے قبل اپنے دل کی بھڑاس نکالنے کی کوشش کی ہے۔ جریدے نے ترکیہ کے انتخابات کے بارے میں اپنے تجزیے میں تضحیک آمیز تاثرات کا استعمال کیا ہے ۔ جریدے نے صدر ایردوان کو نشانہ بناتے ہوئے ان کے بارے میں Arsonist کے الفاظ استعمال کرتے ہوئے اسے اپنے سرورق پر شائع کیا ہے۔
دوسری جانب جسٹس اینڈ ڈولپمینٹ پارٹی کے ترجمان عمر چیلک نے اپنے سوشل میڈیا اکاؤنٹ پر بیان دیتے ہوئے کہا ہے کہ مغربی میڈیا نے بڑے منظم طریقے سے صدر ایردوان کے خلاف سیاہ پروپیگنڈا کے خلاف مہم شروع کرکھی ہے۔
برطانوی جریدے دی اکانومسٹ کے بعد اب جرمن سٹرن میگزین نے بھی صدر ایردوان سے متعلق متنازع سرورق کو اپنے قارئین کو پیش کیا ہے۔
جرمن میگزین نے ترکیہ میں ماہ مئی کے عام انتخابات کے بارے میں اپنے تجزیے میں تضحیک آمیز تاثرات کو استعمال کیا۔
اسٹرن میگزین نے اپنے قارئین کے سامنے سرورق پر Arsonist Erdoğanکے الفاظ استعمال کرتے ہوئے ایک مضمون شائع کیا ہے، جس میں کہا گیا ہے کہ صدر ایردوان اقتدار میں رہنے کے لیے بے ایمانی اور ہر حربہ استعمال کرنے سے گریز نہیں کریں گے۔
میگزین نے لکھا ہے کہ صدر ایردوان صدر پوتن ، یوکرین اور مغرب کے ساتھ تو مذاکرات کرتا دکھائی دیتا ہے لیکن اس کے ساتھ ہی ساتھ نیٹو میں ویٹو استعما ل کرتے ہوئے ، نیٹو کو نیچا دکھانے اور نئے اراکین کی راہ کو مسدود کرنے کے ساتھ ساتھ شام میں جنگ کو اپنے مقاصد کے لیے استعمال کررہا ہے۔
اسٹرن میگزن نے لکھا ہے کہ صدر ایردوان بین الاقوامی اسٹیج پر تو نمودار ہوتے ہوئے دکھائی دیتے ہیں لیکن ان کو اپنے ہی گھر میں ر اقتدار جاری رکھنے کے لیے انتھک جدوجہد کرنی پڑ رہی ہے۔
کیا ایردوان شکست قبول کرسکتے ہیں؟ ان کے اتحادی نیشنلسٹ موومنٹ پارٹی کے اراکین فوج اور پولیس میں اتنی بھاری تعداد میں جگہ بناچکے ہیں کہ اگر ایردوان انتخابات میں عوامی اکثریت حاصل نہیں کر پاتے تو وہ اس کے باوجود برسر اقتدار رہ سکتے ہیں۔
سویڈن میں قرآنِ پاک کے اسکینڈل کے بعد سویڈن کے نیٹو کی رکنیت کے دروازے بند کرنے پر بلومبرگ نے “شدید ردِ عمل کا باعث بننے والی ایک تجویز پیش کی تھی ۔ بلومبرگ نے ” نیٹو کی توسیع میں ایردوان کے تاخری حربوں کی اجازت نہیں دی جانی چاہیے کے زیر عنوان خبر میں بلومبرگ نے سویڈن اور فن لینڈ کو نیٹو کی رکنیت کی راہ میں رکاوٹ بننے پر ترکیہ کو “ضدی ملک” قرار دیا تھا۔ بلومبرگ نے لکھا ہے کہ صدر ایردوان ملک میں انتخابات سے قبل قومیت پسند ترک باشندوں کے ووٹ حاصل کرنے کی کوششوں میں مصرف ہیں۔ ترکیہ کی ضد کی وجہ سے یورپ کی سلامتی داو پر لگی ہوئی ہے۔
نیٹو رہنماؤں کو ایردوان پر دباؤ ڈالنا چاہیے
ترکیہ کی جانب سے سویڈن سے ان کے دہشت گردوں کے حوالے کیے جانے کے معاملے کو دونوں ممالک کے درمیان مذاکرات کے ذریعے حل کیا جانا چاہئے اور اسے نیٹو کے عمل میں شامل نہیں کیا جانا چاہئے۔ بلومبرگ نے نیٹو رہنما وں سے 18 مئی سے پہلے دونوں ممالک کی رکنیت کی منظوری کے لی صدر ایردوان پر دباو ڈالنے کا مطالبہ کیا ہے۔
ایردوان کو نیٹو اجلاسوں سے خارج کیا جانا چاہیے
اگر ایردوان اپنی ضد پر اڑے رہتے ہیں تو امریکی کانگرس کو ترکیہ کو ایف سولہ طیاروں کی فروخت کو روکنے کی اپیل کرتے ہوئے ترکیہ کو فوجی مشقوں سے دور رکھنے ، ایردوان کو نیٹو کے اجلاس میں شرکت کی اجازت نہ دینے حتیٰ کی ترکیہ کو نیٹو سے نکال باہر کرنے کی تجویز ٹیبل پر ہونی چاہیے۔
وہ ملک جس نے اتحاد کو نقصان پہنچایا وہ اتحاد نہیں ہے
پوسٹ کا اختتام اس بیان کے ساتھ ہوا ہے ‘پیغام واضح ہونا چاہیے: اتحاد کا رکن جو جان بوجھ کر گروپ کی سلامتی کو نقصان پہنچاتا ہے وہ کبھی اتحاد میں نہیں ہونا چاہیے۔