(نوٹ: TR-URDU ترکیہ کی پہلی اور واحد غیر جانبدار نیوز ویب سائٹ ہے۔ اس ویب سائٹ میں ترکیہ میں 14 مئی کے الیکشن سے قبل بلا امتیاز تمام ہی اہم سروئے کمپنیوں کے تازہ ترین سروئیز کو جگہ دی جا رہی ہے۔ یہ تمام سروئیز ترک کمپنیوں کی جانب سے کروائے جا رہے ہیں اور ان سروئیز سے نیوز ویب سائٹ TR-URDU کا متفق ہونا ضروری نہیں ہے۔ )
ترکیہ میں جیسے جیسے انتخابات کا وقت قریب آتاجا رہا ہے مختلف کمپنیوں کے سروئے سامنے آتے جا رہے ہیں۔ ایک ہی وقت میں ایک کمپنی صدر ایردوان کے ’’ جمہور اتحاد‘‘ کو برتری دلوا رہی ہوتی ہے تو اسی وقت دیگر سروئے کمپنی اپوزیشن کی واضع کامیابی کی نشاندہی کررہی ہوتی ہے۔
ترکیہ کی مشہور سروئے کمپنی آق سوئے کے تازہ ترین سروئے کے مطابق صدر رجب طیب ایردوان اور اپوزیشن اتحاد کے رہنما کمال کلیچدار اولو کے درمیان فرق میں مزید دو پوائنٹس کا اضافہ ہوا۔ آقسوئے کمپنی کے مطابق 26 مختلف شہروں میں 1537 افراد کے ساتھ کیے گئے رابطے کے نتائج کے مطابق، برسر اقتدار جسٹس اینڈ ڈولپمینٹ پارٹی (آق پارٹی) نے مارچ کے آغاز سے لے کر اب تک اپنے ووٹوں میں 1 پوائنٹ کا اضافہ کیا ہے ۔
آق سوئے کمپنی کی جانب سے فیس ٹو فیس کیے جانے والے رابطے کے دوران جب متعلقہ افراد سے سوال کیا گیا کہ آیا وہ صدارتی انتخابات میں رجب طیب ایردوان اور جناب کمال کلیچدار اولو میں سے کس کو ووٹ دیں گے؟ تو اس سوال کے جواب میں جو صورتِ حال ابھر کر سامنے آئی وہ کچھ یوں تھی۔
کمال کلیچدار اولو 56.8 فیصد
رجب طیب ایردوان : 43.2 فیصد
پارلیمانی انتخابات سے متعلق کیا جانے والا سوال کچھ یوں تھا۔ اگر اس اتوار کو پارلیمانی الیکشن ہوتے تو آپ کس پارٹی کو ووٹ دیں گے؟ اس کے جواب میں لوگوں کی متعلقہ جماعتوں کے بارے میں پسندیدگی کی شرح کچھ یوں تھی۔
جسٹس اینڈ ڈولپمینٹ پارٹی(آق پارٹی): 31.9 فیصد
ری پبلیکن پیپلز پارٹی(CHP): 27.8 فیصد
گڈ پارٹی (İYİپارٹی ): 12 فیصد
پیپلز ڈیمو کرٹیک پارٹی (HDP): 10.3 فیصد
دیگر جماعتیں : 9.7 فیصد
نیشنلسٹ موومنٹ پارٹی (MHP): 7 فیصد
اس سروئے کی سب سے اہم بات جس کے نتائج پارلیمنٹ میں نشستوں پر بھی اثر انداز ہو سکتے ہیں وہ صدر ایردوان کے اتحاد میں شامل جماعت MHP کے پارلیمنٹ میں داخل ہونے کے لیے کل ووٹوں کے سات فیصد کی شرح سے ووٹ حاصل کرنا ضروری ہے اور سات فیصد ووٹ حاصل نہ ہونے کی صورت میں اس پارٹی کے ووٹ کسی دوسری جماعت میں تقسیم کردیے جاتے ہیں ۔ اس طرح پارلیمنٹ میں صدر ایردوان کے اتحاد کو اکثریت حاصل نہ کرنے کا خطرہ لاحق ہو چکا ہے۔
آق سوئے سروئے کے مطابق مارچ سے قبل آق پارٹی کی نیچے کی جانب رجحان تھا لیکن مارچ کے بعد اس میں ایک فیصد اضافہ ہوا ہے جبکہ حزبِ اختلاف کی جماعت 25 فیصد سے 28 فیصد تک ووٹ حاصل کرنے میں کامیاب رہی ہے۔