حُر کش اور کھان کی ایک ساتھ پرواز۔صدر ایردوان نے قومی جنگی طیارےکو کھان KANNکا نام عطا کردیا ہے۔ حُر کش اور کھان دونوں جنگی طیاروں نے ترکیہ کی دفاعی صنعت کی آنکھ کا تارا بنتے ہوئے جدید خصوصیات کے ساتھ دنیا میں اپنا نام روشن کیاہے اور دونوں طیاروں نے ایکساتھ پرواز کی ہے۔
صدر رجب طیب ایردوان نے سنچری آف دی فیوچر پروموشن پروگرام میں شرکت کرتے ہوئے ترکیہ کے اس جنگی طیارے کا نام کھان رکھنے سے بھی آگاہ کیا ہے۔
صدر ایردوان اور کھان جنگی طیارے کی پروا
یہ ترک ہوابازی کے لیے ایک تاریخی دن ہے اور حُر کش اور کھان طیارے دفاعی صنعت کی عظیم کامیابیوں کی عکاسی کرتے ہیں ۔ صدر رجب طیب ایردوان نے کہا ہے کہ انہوں نے قومی جنگی طیارے کا نام کوالیشن میں شامل نیشنلسٹ موومنٹ پارٹی MHPکے چئیرمین دولت باہچے لی کے والد کھان کے نام پریہ نام رکھا گیا ہے۔
صدر ایردوان نے اس موقع پر کہا کہ گزشتہ چند مہینوں میں ہم نے دفاعی صنعت میں یکے بعد دیگرے بڑے پیمانے پر کامیابیاں حاصل کی ہیں جس پر ترک قوم جتنا فخر کرے کم ہے۔ ہم نے اس دوران ٹی سی جی انادولو جنگی بحری جہازکو ترک بحریہ میں شامل کرنے اور خلاء میں İMECE سیٹلائٹ کو روانہ کیا تو ترک مسلح افواج کے لیے آلتائے ٹینک کو بھی تیار کیا ہے۔
ترکیہ دفاعی صنعت میں اپنی ضروریات کا 80 فیصد مقامی طور پر تیار کررہا ہے
غازی مصطفیٰ کمال نے کہا کہ مستقبل آسمان پر ہے کا حوالہ دیتے ہوئے صدر ایردوان نے کہا کہ جو قومیں اپنے آسمانوں کی حفاظت نہیں کر سکتیں وہ کبھی اپنے مستقبل کا تعین نہیں کرسکتی ہیں ۔ اگرچہ ہماری راہ میں بڑی مشکلات اور رکاوٹوں کا سامنا کرنا پڑا ہے لیکن ہم نے ہمت نہیں ہاری، ہم نے اپنے اہداف کو حاصل کرنے کی جانب اپنے سفر کو جاری رکھا ہے اور ہم نے مقامی طور پر مقامی دفاعی صنعتی پیداوار کو 80 فیصد تک پہنچادیا ہے۔ ہماری قوم اور فوج اب اپنا دفاع اپنے ہی سازو سامان سے کرنے کی صلاحیت حاصل کرچکی ہے۔
دہشت گرد تنظیموں کا قلع قمع کرکے ہی دم لیں گے
صدر ایردوان نے دفاعی صنعت کی پیداوار میں کردار ادا کرنے والے تمام افراد کا شکریہ ادا کرتے ہوئے کہا کہ اگر ہم آج ترکیہ صدی کی بات کررہے ہیں تو یہ ہماری سیکورٹی اور تکنیکی ترقی دونوں کی کامیابیاں ہیں۔ ہم داعش سے لے کر PKK اور YPG تک تمام دہشت گرد تنظیموں کو مکمل صفایا کرنے تک اپنی جنگ جاری رکھیں گے۔
قومی جنگی طیارے کا نام کھان
گزشتہ بیس سالوں سے ہم نے جن منصوبوں کا خواب دیکھا تھا اب ان کو حقیقت کا روپ دیا جا رہا ہے۔ بلاشبہ دفاعی صنعت اور ہوابازی میں کامیابیاں ان میں سرفہرست ہیں۔ ہم نے اپنے کچھ اہم منصوبوں میں اہم سنگ میل حاصل کیے ہیں ۔ ہم نے اپنے قومی لڑاکا طیارے کو ہینگر سے باہر نکال کر پرواز پر روانہ کیا۔ ہم نے اپنے ملک کے پہلے انسان بردار، سپرسونک جیٹ طیارے حُر جیٹ کی پہلی پروازکو حقیقت کا روپ دیا ۔ہم نے آتاک ہیلی کاپٹر سے بھی بڑھ کر آتاک- 2 تیار کیا ہے۔ قزل ایلما ڈران کے علاوہ آنکا 3-جسے اب Kaan کا نام دیا گیا ہے ترک فضاوں میں محو پرواز ہے۔
دوستوں کے لیے قابلِ اعتماد اور دشمنوں کے لیے خوفناک
ہمارے پبہادر انجینئرز، بہادر پائلٹ، محنتی کارکن جو ہماری دفاعی صنعت کے سپاہی ہیں دن رات کام کررہے ہیں ترک انجینئروں اور کارکنوں نے ہمیشہ غیر ملکی طیاروں اور ہیلی کاپٹر وں کو خریدتے وقت ہمیشہ یہ خواب دیکھتے اور سوچتے کیا ہم ایسا نہیں کر سکتے؟ جب ہم حکومت میں آئے تو ہم نے اپنے انجینئروں، محنت کشوں اور بہادر سپاہیوں کی خواہش کا احترام کرتے ہوئے اسے ڈیزائن کیا اور اب ہمارے پائلٹ یہ طیارے اڑا رہے ہیں ۔ اب ترک ڈرانز دنیا بھر کو برآمد کیے جا رہے ہیں ۔ ہمیں ایک طویل سفر طے کرنا ہے۔ اپنی فوج کو ان طیاروں سے لیس کرکے ہم دوستوں میں اعتماد اور دشمن میں خوف پیدا کرتے رہیں گے۔
حُر جیٹ کو ایف سولہ کی خصوصیات کا حامل بنایا جاسکتا ہے
صدر ایردوان نے کہا کہ ترکیہ جیسے جیسے مضبوط ہوتا جائے گا، خطے میں امن اور انصاف جڑ پکڑتا جائے گا۔ ہمیں کوئی بھی کام ادھورا نہیں چھوڑنا چاہیے۔ ہم نے بہت محنت کی، ہم نے بہت قربانیاں دیں۔ حُر جیت ، پہلا سپرسونک لڑاکا طیارہ ہے جو ہمارے بہادر پائلٹوں کو تربیت دے گا، اور ضرورت پڑنے پر ہتھیاروں سے لیس ہو کر میدان جنگ میں جا سکے گا۔ حُر جیٹ جزوی طور ایف سولہ جنگی طیاروں کی جگہ لے سکتا ہے۔ حُر جیٹ کو بہت جلد فضائیہ کی انوینٹری میں شامل کر دیا جائے گا۔ ہماری نگاہیں اب ان کھان جنگی طیارے پر جو پوری شان و شوکت سے ترک فضاوں میں پرواز کرے گا۔ یہ جنگی طیارہ ریڈارکی زد میں نہیں آئے گا اوراپنا کام مکمل کرتے ہوئے واپس اپنے اڈے پر اتر جائے گا۔ ہم پانچویں نسل کے جنگی طیارے بنانے والے 5 ممالک میں سے ایک ہوں گے۔