)ترکیہ کی پہلی اور واحد غیر جانبدار اُردو نیوز ویب سائٹ ہے۔ اس ویب سائٹ میں ترکیہ کی بر سر اقتدار اور اپوزیشن تمام ہی جماعتوں اورقائم اتحاد سے متعلق خبروں، تبصروں اور سروئیز کو بلا امتیاز جگہ دی جاتی ہے۔ ان تمام خبروں اور سروئیز کے ذرائع ترک میڈیا اور ایجنسیاں ہی ہیں ۔اس نیوز ویب سائٹ کا ان خبروں اور تبصروں سے متفق ہونا ضروری نہیں ہے)
تحریر: شبانہ ایاز
ترکیہ صدارتی انتخابات کے لیے آخری مرحلے میں داخل ہوچکا ہے جیسے جیسے 14 مئی قریب آرہا ہے سیاسی جماعتوں اورصدارتی امیدواروں نے اپنے انتخابی کام کو تیز تر کردیا ہے۔
ترکیہ کی اپوزیشن کے بیانیے کے مطابق اس بار انتخابات اپوزیشن جماعتوں کے اتحاد کے لیڈر کمال کلیچ دار اولو جیتیں گے۔
اس حوالے سےآقسوئے ریسرچ کے بانی آرتن آقسوئے نے جمہوریت ٹی وی پر اپنا تجزیہ بیان کرتے ہوئے کہا کہ انتخابات غالباً دوسرے راؤنڈ میں جائیں گے۔
آقسوئے کے مطابق 6 فروری کے زلزلے کے بعد جب انہوں نے سروے کیا تو 1.2 کی برتری انہوں نے حکمران بلاک کے لئے دیکھی۔ لیکن حزب اختلاف کے کمال کلیچ دار اولو کے اس دعوے سے کہ ان کے اقتدار میں آنے کے بعد ترکیہ کی معیشت بہتر ہوگی سے لوگوں کے اعتماد میں اضافہ ہوا ہے ۔
انتخابات کے لیے صدر اردوان کے انتخابی وعدوں کا اندازہ لگاتے ہوئے ہوئے آقسوئے نے کہا کہ قدرتی گیس یا دیگر وعدوں کو عوام میں پسند کرنے کی شرح بہت زیادہ ہے۔ لیکن اس سے لوگوں کی ووٹنگ کے رویے میں کوئی زیادہ تبدیلی نہیں آئی۔ اگر حکومت گزشتہ ماہ لوگوں کو قدرتی گیس کا بل نہ بھیجتی تو اس کا بہت اثر انتخابات کے رزلٹ پر ہو سکتا تھا۔ گزشتہ سال کی آخری سہ ماہی میں حکومت نے کچھ ایسے اقدامات کیے تھے جس سے 4.8 فیصد تک حکومت کے ووٹوں میں اضافہ دیکھا گیا تھا۔
انتخابات کا نتیجہ دوسرے راونڈ میں: آقسوئے
ان کے مطابق ترکیہ کی سیاست کی تاریخ رہی ہے کہ الیکشن سے ایک یا دو ہفتے پہلے سرپرائز دیا جاتا ہے، لیکن اس سے بظاہر نہیں لگتا کہ اب ووٹوں میں کوئی بڑی تبدیلی آئے گی۔لیکن عوام کا مزاج بدلتے بھی دیر نہیں لگتی۔
اس وقت ووٹوں کا ایک قابل ذکر حصہ مسٹر انجے کو جا رہا ہے ۔لوگوں کا یقین بڑھ گیا ہے کہ اپوزیشن جیت جائے گی ۔
تازہ ترین سروے کے مطابق ایسے لوگوں کی تعداد میں اضافہ ہوا ہے کہ جو یہ سمجھتے ہیں کہ اپوزیشن جیت جائے گی۔ آقسوئے کے مطابق کلیچ دار اولو کی امیدواری کے اعلان سے پہلے 51 فیصد ووٹروں کا خیال تھا کہ ایردوان اور 49 فیصد لوگوں کا خیال تھا کلیچ دار اولو جیتیں گے۔ صدارتی امیدواروں کا اعلان ہونے کے بعد شرح اس کے برعکس نکلی۔51 فیصد ووٹروں کا خیال تھا کہ کلیچ دار اولو جیت جائیں گے۔
اب تک کی تازہ ترین معلومات اور سروے کے مطابق 56 فیصد لوگوں کا یقین ہے کہ اپوزیشن جیت جائے گی۔
پناہ گزینوں کا معاہدہ اپوزیشن کی انتخابی مہم کا حصہ ہے۔اپوزیشن کا کہنا ہے کہ شامی مہاجرین کو شام واپس جانا چاہئے ۔
ایردوان کے حریف، کمال کلجدار اولو کا کہنا ہے کہ وہ ‘معاہدے پر دوبارہ گفت و شنید’ کرنا چاہتے ہیں۔ پناہ گزینوں کی صورت حال کے بھاری بوجھ کی وجہ سے، عوام میں شدید بے اطمینانی ہے اور اپوزیشن کا واضح وعدہ ہے کہ وہ مہاجرین کے مسئلہ کو حل کرے گی۔
اس معاہدے پر 18 مارچ 2016 کو یورپی یونین اور ترکی کے درمیان دستخط کیے گئے تھے تاکہ “یورپ میں غیر قانونی تارکین وطن کی آمد کو کنٹرول کیا جا سکے اور انہیں ترکی کی سرزمین پر رکھا جا سکے۔”
معاہدے کا دائرہ کافی وسیع ہے۔ سب سے پہلے، پناہ کے متلاشی جو ترکی سے یونان گئے تھے، انہیں واپس ترکی بھیج دیا گیا۔ بدلے میں، یورپی یونین نے ترکی کو 3 بلین یورو (تقریباً 65 بلین TL) ادا کئے تھے۔
اگر ووٹرز کو یہ یقین ہو گیا کہ ان کا امیدوار جسے وہ سپورٹ کر رہے ہیں،نہیں جیت پائے گا تو ہو سکتا ہے کہ لوگ ووٹ ہی نہ ڈالنے جائیں۔