صدر ایردوان کی فتح یقینی،دوسرا راونڈ صرف رسمی کاروائی، سینان اوعان نے صدر ایردوان کی مکمل حمایت کا اعلان کردیا،

ایردوان کے بہت بڑے مارجن سے انتخابات جیتنے کے امکانات

اتا اتحاد کے صدارتی امیدوار ، سینان اوعان جنہوں نےصدارتی انتخابات کے پہلے راونڈ میں 5.7   فیصد ووٹ حاصل کیے تھے  نے آج   دوسرے مرحلے میں صدر ایردوان  کی حمایت کرنے کا اعلان کیا  ہے۔

اگرچہ  اس سے قبل  سینان اور ان کی پارٹی صدر ایردوان کی کھل کر مخالفت  کرتی چلی آئی نے  صدر ایردوان  سے ایک روز قبل ملاقات  کرنے  اور اس سے قبل  ملت اتحاد کے   صدارتی امیدوار   کمال کلیچ دار اولو سے بھی ملاقات کی  تھی آج  اپنے ساتھیوں سے صلاح و مشورے کے بعد  دوسرے راونڈ میں  صدر ایردوان  کی حمایت  کرنے کا اعلان پریس کانفرنس منعقد کرتے ہوئے کیا ہے۔

دوسرے  مرحلے کے صدارتی  انتخابات اب سینان اوعان کے اعلان کے بعد فارملیٹی کی حیثیت ہی رکھتے ہیں  اور صدر ایردوان  کے دوسرے راونڈ میں بڑے واضح فرق سے  ایک بار پھر  منتخب ہونے  کا خیال ظاہر کیا جا رہا ہے۔

صدر ایردوان جنہوں نے  پہلے راونڈ میں 49.5 فیصد ووٹ حاصل کیے ہیں ان کو جیت کے لیے صرف  ایک فیصد کے لگ  بھگ  ہی  ووٹ حاصل کرنے کی ضرورت ہے۔

سینان اوعان کے اس فیصلے کے بعد سینان اوعان کی اپنی ہی پارٹی  میں  پھوٹ پڑگئی ہے اور پارٹی کے چئیرمین اُ میت  اوزداع  نے بیان دیتے ہوئے کہا  ہے کہ سینان اوعان نے  یہ فیصلہ کرتے ہوئے  ان سے کوئی مشورہ نہیں کیا ہے، اس لیے   یہ فیصلہ  صرف سینان اوعان ہی کا فیصلہ ہے اور پارٹی  اس فیصلے پر عمل درآمد کرنے  کی پابند نہیں ہے۔

یاد رہے  سینان اوعان    اپنے صدارتی انتخابات  میں صدر ایردوان  کو مسلسل تنقید کا نشانہ بنانے اور ملک کو جہنم میں تبدیل کرنے  کاالزام لگانے والے  رہنما ہیں  اور انہوں نے ہمیشہ  جسٹس اینڈ ڈولپمینٹ  پارٹی  کے اراکین پر  اللہ سے نہ ڈرنے بلکہ صرف  ایردوان ہی سے ڈرنے کا پارلیمنٹ  میں الزام لگا چکے ہیں  جس پر صدر ایردوان اور ان کی پارٹی نے سینان اوعان  کو شدید تنقید کا نشانہ  بنایا تھا۔

سینان اوعان کے اچانک اس فیصلے پر  اتا اتحاد کے اندر سے  بھی شدید تنقید کی جا رہی ہے اور  ملت اتحاد نے بھی  سینان اوعان کو شدید تنقید کا نشانہ بناتے ہوئے  صرف اپنے مفاد کی  خاطر پارٹی کے مفاد کی نفی کرتے ہوئے یہ فیصلہ کیا ہے اور ان کے ووٹرز لازمی طور پر ان سے  دوسرے مرحلے میں  حساب پوچھیں گے۔

اب  جبکہ  صدر ایردوان کی جیت کے دروازے مکمل طور پر ایردوان کے لیے کھل چکے ہیں  ۔  ان کے   تاریخی ریکارڈ بناتے ہوئے  بہت بڑے مارجن سے  دوسرے راونڈ میں  دوبارہ سے  صدر منتخب ہونے پر بڑی تعداد میں ترک عوام  کو یقین ہو چلا ہے۔