صدر ایردوان نے اپنے ووٹرز اور خاص طور پر ملازمین کا خوشخبریاں سنانے کا سلسلہ جاری رکھا ہوا ہے۔ماہ جولائی میں سرکاری اور ریٹایرڈ ملازمین کی پنشنز میں توقع سے کہیں زیادہ اضافہ کرنے کا اعلان کیا ہے۔انہوں نے ماہ مئی میں کم ترین پنشن بڑھا کر 7 ہزار 500 لیرا اور سال میں عید کے دونوں تہواروں پر 2 ہزار لیرا بونس دینے کا اعلان بھی کیا ہے۔ صدر ایردوان نے کہا کہ ہم نے ماہ جولائی میں سرکاری ملازمین کی کم ترین تنخواہ 22 ہزار لیرا تک بڑھانے کا فیصلہ کیا ہے۔
تمام سرکاری ملازمین بائیس ہزار لیرے سے زاہد تنخواہ حاصل کریں گے
صدر رجب طیب ایردوان نے اپنے صدارتی انتخابات کی مہم کے دوران ملاتیا میں عوام سے خطاب کرتے ہوئے سرکاری ملازمین کی پنشن، تنخواہوں اور بونس میں اضافے سے متعلق خوشخبری سنائی۔انہوں نے کہا کہ وہ اپنے دور اقتدار میں سرکاری ملازمین کے تنخواہوں میں وقفے وقفے سے اضافہ کرنے کا سلسلہ جاری رکھیں گے تاکہ سرکاری ملازمین کے معیار زندگی کو بہتر بنایا جاسکے۔
صدر ایردوان نے کہا کہ وہ ملک میں افراطِ زر کی شرح اور مہنگائی پر قابو پانے کے لیے بھی اپنی کوششیں جاری رکھے ہوئے ہیں اور اس سلسلے میں دو مختلف وزارتوں میں کام جاری ہے۔
کم از کم اجرت میں اضافے کا نیا ریکارڈ
صدر ایردوان نے خطاب کرتے ہوئے کہا کہ جنوری 2023 میں، کم از کم اجرت میں 54.7 فیصد اضافہ کیا تھا اور اسے ساڑھے آٹھ ہزار لیرے تک پہنچادیا تھا۔ جولائی 2022 میں، صدر رجب طیب ایردوان کی ہدایت پر، کم از کم اجرت کے تعین کے کمیشن قائم کردیا گیا ہے اور اس طرح کم از کم اجرتو ں میں ایک سال میں 114فیصد اضافہ ہوا ہے جو افراطِ زر کی شرح میں ہونے والے اضافے سے کہیں زیادہ ہے اور اس طرح سرکاری ملازمین کی قوت خرید میں اضافہ ہوگا۔
افراط زر کا فرق گزشتہ مدت میں دیے گئے اجتماعی معاہدے میں اضافے کے مقابلے 6 ماہ کی افراط زر کی شرح سے کہیں زیادہ ہے۔