حفیظہ گائیے ایرکان کو جمہوریہ ترکیہ مرکزی بینک(اسٹیٹ بینک) کی گورنر مقرر کیا گیا ہے۔
ترکیہ کے مرکزی بینک کی گورنر تعینات ہونے سے قبل حفیظہ گائیے ایرکا ن (لفظ حفیظہ لکھا جائے گا لیکن حفیظے پڑھا جائے گا ) مینیجنگ ڈائریکٹر اور فرسٹ ریپبلک بینک میں شریک سی ای او رہ چکی ہیں۔
جمہوریہ ترکیہ کے مرکزی بینک(اسٹیٹ بینک) کی پہلی خاتون گورنر حفیظہ گائیے ایرکان
حفیظہ گائیے ایرکان 1979 میں استنبول میں پیدا ہوئیں ۔ استنبول ہائی اسکول سے گریجویشن کرنے کے بعد، وہ 2001 میں باسفورس یونیورسٹی کے انڈسٹریل انجینئرنگ ڈیپارٹمنٹ سے فارغ التحصیل ہوئیں ۔ انہوں نے پرنسٹن یونیورسٹی سے آپریشنز ریسرچ اور فنانشل انجینئرنگ میں پی ایچ ڈی کی ڈگری حاصل کی۔ حفیظہ گائیے ایرکان نے ہارورڈ بزنس اسکول میں مینجمنٹ سائنسز اور اسٹینفورڈ یونیورسٹی میں قیادت کے دو تربیتی پروگرام مکمل کیے۔
حفیظہ گائیے ایرکان نے امریکہ کے 100 سب سے بڑے بینکوں میں سے ایک میں سی ای او کا کے فرائض سر انجام دئے ، سان فرانسسکو بزنس ٹائمز اور کرین نیویارک بزنس دونوں میں 40 سال سے کم عمرسی ای او کے طور پر بھی اپنی جگہ بنا چکی ہیں۔
2019 میں، ایرکان کو کرین کی بینکنگ اینڈ فنانس کی قابل ذکر خواتین اور امریکی بینکر کی ویمن ٹو واچ کی فہرست میں شامل کیا گیا ۔
مہمت شمشیک کے وزیر خزانہ بننے کے بعد، مرکزی بینک (CBRT) کی انتظامیہ میں بڑے پیمانے پر تبدیلی متوقع تھی ۔
حفیظہ گائیے ایرکان کو شہاپ کاوجی اولو کی جگہ ترکیہ کے مرکزی بینک(اسٹیٹ بینک) کا گورنر مقرر کیا گیا۔
امریکہ میں اپنی تعلیم جاری رکھتے ہوئے، حفیظہ گائیے ایرکان نے 2005 میں پرنسٹن یونیورسٹی سے آپریشنز ریسرچ اور فنانشل انجینئرنگ میں ڈاکٹریٹ حاصل کی۔ ایرکان نے ہارورڈ بزنس اسکول میں مینجمنٹ سائنسز اور اسٹینفورڈ یونیورسٹی میں قیادت کے دو تربیتی پروگرام مکمل کیے۔
محمد شمشیک سے ملاقات
نئی کابینہ میں مہمت شمشیک کے وزیر خزانہ بننے کے بعد، حکومت کی مانیٹری پالیسی کی طرف معمول پر آنے کی توقعات بحال ہو چکی ہیں۔
نورالدین نباتی سے وزارت خزانہ اور مالیات کی ذمہ داری سنبھالنے والے مہمت شمشیک نے بیان دیا کہہ ترکیہ کے پاس rational بنیاد پر واپس آنے کے سوا کوئی چارہ نہیں ہے۔
ایرکان نے اپنے امریکہ میں 9 سالہ قیام کے دوران 2005 میں گولڈمین سیکس میں اپنے کیرئیر کا آغاز کیا، امریکہ میں بڑے بینکوں اور انشورنس کمپنیوں کے بورڈ آف ڈائریکٹرز اور سینئر مینجمنٹ ٹیموں کو بیلنس شیٹ مینجمنٹ، اسٹریس ٹیسٹنگ اور کیپیٹل پلاننگ، رسک مینجمنٹ، انضمام اور حصول کے بارے میں مشاورتی خدمات فراہم کیں۔
بینکنگ، سرمایہ کاری، رسک مینجمنٹ، ٹیکنالوجی اور ڈیجیٹل اختراع میں مہارت رکھنے والے ایرکان نے پرنسٹن یونیورسٹی کے آپریشنز ریسرچ اینڈ فنانشل انجینئرنگ ڈیپارٹمنٹ کی ایڈوائزری کونسل میں بھی خدمات انجام دیں۔
حفیظہ گائیے ایرکان کو 9 جون 2023 کو جمہوریہ ترکی کے مرکزی بینک (اسٹیٹ بینک) کا کا گورنر مقرر کیا گیا ہے۔