دہشت گرد تنظیموں کے حامی سویڈن کو نیٹو میں شامل ہونے کی اجازت نہیں دیں گے
۔صدر رجب طیب ایردوان
ترکیہ کےصدر رجب طیب ایردوان نے نیٹو کے سیکرٹری جنرل جینز اسٹولٹن برگ سے ایک ملاقات کی۔
ملاقات میں سویڈن کی نیٹو کی رکنیت پر بھی تبادلہ خیال کیا گیا۔ ملاقات میں بتایا گیا کہ سویڈن کی رکنیت کے حوالے سے ترکیہ کا تعمیری رویہ جاری ہے، لیکن چونکہ PKK/PYD/YPG کے حامی آزادانہ طور پر ترکیہ میں دہشت گرد کارروائیاں کرتے ہیں، اس لیے قانون سازی میں تبدیلیوں کا کوئی فائدہ نہیں ۔
اس اہم سربراہی اجلاس اور ایردوان کے سویڈش کے بارے میں بیان کو عالمی پریس میں وسیع کوریج ملی ۔
صدر رجب طیب ایردوان نے نیٹو کے سیکریٹری جنرل جینز اسٹولٹن برگ سے کہا کہ سویڈن کو نیٹو کا رکن بننے کے لیے PKK کے حامیوں کی حمایت بند کرنا ہوگی۔’
دوسری جانب اسرائیل کے اخبار یروشلم پوسٹ نے لکھا ہے کہ، “ایردوان چاہتے ہیں کہ سویڈن، نیٹو میں شامل ہونے کے لیے PKK کے خلاف بھرپور کارروائی کرے۔”
ترکیہ کی جانب سے “نئے قانون کو لاگو کرنے” کے مطالبے کے بعد سویڈن نے بالآخر دہشت گرد تنظیموں کے حامیوں کے لئے قید کی سزا کا قانون منظور کرلیا ہے۔
وائس آف امریکہ نے لکھا ہے کہ اجلاس کی اہم چیزوں میں سے ایک سویڈن کی نیٹو کی رکنیت تھی۔
خبر کے مطابق ایردوان کا کہنا ہے کہ سویڈن کے قانون میں تبدیلی اس وقت تک کوئی معنی نہیں رکھتی جب تک یہ وہ دہشت گردی کی حمایت والے کاموں کو نہیں روکتا۔
سویڈن کے برعکس، فن لینڈ جس نے ترکیہ کے مطالبات پورے کیے، وہ نیٹو کا رکن بن گیاہے۔
فن لینڈ کے نیٹو کے رکن بننے کے بعد اب سویڈن کا رویہ بدلنا شروع ہوا ہے۔
سویڈن نے بالآخر دہشت گرد تنظیموں کے حامیوں کے لیے قید کی سزا کا قانون منظور کر لیا ہے۔
یکم جون کو نافذ ہونے والے اس قانون کے تحت دہشت گرد تنظیم PKK کی سرگرمیوں کی حوصلہ افزائی، تقویت یا حمایت کرنےو الوں کو زیادہ سے زیادہ 4 سال قید کی سزا سنائی جا سکتی ہے۔
سویڈن، کا کہنا ہے کہ وہ قانون کے مطابق ترکیہ کے مطالبات کو پورا کررہا ہے،
کیوں کہ سویڈن کی نظریں نیٹو سربراہی اجلاس پر لگی ہوئی ہیں جو 11-12 جولائی کو لیتھوانیا کے دارالحکومت ولنیئس میں منعقد ہوگا۔
ترکیہ کی جانب سے ‘نئے قانون کو لاگو کرنے’ کے مطالبے کے بعد ایک نئی پیشرفت ہوئی ہے۔
نیٹو کے سکریٹری جنرل جینز اسٹولٹن برگ نے لتھوانیا میں ایک بیان میں کہا کہ ولنیئس میں نیٹو لیڈروں کے سربراہی اجلاس سے قبل ترکیہ اور سویڈن کے درمیان برسلز میں ایک اعلیٰ سطحی اجلاس منعقد ہوگا ۔
اسٹولٹن برگ نے کہا کہ وزرائے خارجہ، انٹیلی جنس کے سربراہان اور قومی سلامتی کے مشیر اس اعلیٰ سطحی اجلاس میں شرکت کریں گے۔