صدر ایردوان کا سویڈن میں قرآن کریم جلانے پر شدید ردِ عمل، مسلمانوں کے مقدسات کی تحقیر ہرگز قابلِ قبول نہیں ہے

ہم مغربی گھمنڈوں کواس تحقیرپر سبق سکھانا بھی جانتے ہیں

سویڈن میں قرآن مجید کو جلانے کے سکینڈل پر صدرایردوان   نے  انتہائی سخت ردعمل کا اظہار  کرتے ہوئے کہا ہے کہ  مسلمانوں کے مقدسات  کی تحقیر کسی بھی  صورت  آزادی تحریر و تقریر  کے  ذمرے میں نہیں آتی ہے، اسے ہمیں مغربی گھمنڈوں کو ایک دن سمجھا کر ہی دم لیں گے۔

صدر رجب طیب ایردوان نےان خیالات کا اظہار  عید کے موقع پر جسٹس اینڈ ڈولپمینٹ  پارٹی  کے ساتھ عیدملن کے موقع پر خطاب کرتے ہوئے  کیا ۔ ان کے خطاب  میں سویڈن میں قرآن کو جلانے کے واقعے پر  شدید ردِ عمل  دنیا بھر کی توجہ کا مرکز بنچکا ہے۔صدر ایردوان نے اپنے خطاب میں کہا کہ  "ہم ایک دن  مغربی گھمنڈوں کوسکھا کر رہیں گے  کہ   قرآن کریم کو جلا نا  اور مقدسات کی توہین کرنا    کسی بھی صورت   آزادی تحریر و تقریر  نہیں ہے۔ ہم کسی بھی صورت اشتعال انگیزی  اور  دھمکیوں کی سیاست کی ہرگز اجازت نہیں دیں گے ۔ ہم بڑے سخت انداز میں اپنے ردِ عمل کا اظہار کریں گے۔

صدر ایردوان نے استنبول میں اپنی پارٹی کے ارکان سے عید ملن  پروگرام میں اپنی تقریر کا آغاز ہی سویڈن  میں رونما ہونے والے  قران کریم جلانے کے افسوسناک واقعے پر اپنے شدید ردِ عمل سے کیا۔ انہوں نے پولیس کی حفاظت میں قرآن کریم   کو جلائے جانے پر غم و غصے کا اظہار کرتے ہوئے کہا کہ جو لوگ آزادی فکر کی آڑ میں اس جرم کی اجازت دیتے ہیں  اور لغو  سوچ کا بنیاد بنا کر آنکھیں بند کرلتے ہیں وہ کبھی بھی اپنے  مقاصد حاصل نہیں کر سکیں گے۔ ہم کبھی بھی  مغربی گھمنڈوں کو قران کریم کو جلا نے کا آزادی تحریر تقریر  کےزمرے  میں آنے کی ہرگز اجازت نہیں دیں گے۔  

مسلمانوں کے مقدسات کی توہین آزادی  سوچ نہیں ہوسکتی ۔ جو لوگ آزادی فکر کی آڑ میں اس جرم کی اجازت دیتے ہیں اور اس بے بنیاد سوچ پر  آنکھیں بند کر لیتے ہیں، وہ اپنے مقاصد حاصل نہیں کر سکیں گے ۔ہم کبھی بھی کسی کو اشتعال انگیزی اور  دہمکیوں  کی سیاست کی ہرگز اجازت  نہیں دیں گے۔