15 جولائی 2016 کی ناکام فوجی بغاوت جسے اب یومِ جمہوریت و قومی یکجہتی کے نام سے یاد کیا جاتا ہے دنیا کے دیگر ممالک کی طرح اس دن کو منانے کے لیے پاکستان کے دارالحکومت اسلام آباد میں بھی ایک پُر وقار تقریب کا اہتمام کیا گیا۔
اس تقریب میں پاکستان قومی اسمبلی کے اسپیکر راجہ پرویز اشرف ، ممتاز پاکستانی شہریوں ، حکام، ترک اداروں اور کمپنیوں کے نمائندوں، ترک شہریوں، سفارتکاروں اور ترک طلباء نے بڑی تعداد میں شرکت کی
اس تقریب میں جمہوریت اور قومی اتحاد کے دن کے موقع پر ایک پر جوش خراج تحسین پیش کرتے ہوئے،ترک سفارتخانے میں پروقار تقریب کا انعقاد کیا گیا۔
تقریب سے خطاب کرتے ہوئے پاکستان مین ترکیہ کے سفیر مہمت پاچا جی نے کہا کہ آج کا دن ترک قوم کی ان عظیم قربانیوں کی یاد کو تازہ کرتا ہے جسے ترک عوام نے اپنی جانوں کا نذرانہ دیتے ہوئے ترک جمہوریت کو ایک نئی نئی زندگی بخشی ۔ انہوں نے کہا کہ ترک عوام نے ٹینکوں کے آگے لیٹ کر جمہوریت کا بچانے کی ایک ایسی داستان تحریر کی ہے جس کی تاریخ میں کوئی مثال نہیں ملتی ہے۔
پاکستان قومی اسمبلی کے اسپیکر راجہ پرویزاشرف نے تقریب سے خطاب کرتے ہوئے جمہوریت کے لیے ترکیہ کی ثابت قدمی کی تعریف کی اور کہا کہ ترکوں نے جمہویت کے تحفظ کے لیے اپنی جانوں کا نذرانہ دیتے ہوئے ملک میں ڈیموکریسی کو پانے پاوں پر کھڑا ہونے اور فروغ دینے کا راستہ ہموار کردیا ہے۔
پاکستانی حکام اور ترک اداروں/کمپنیوں کے نمائندوں نے بھی جمہوریت کی مشترکہ اقدار اور دونوں ممالک کے درمیان اتحاد کے لیے اپنی حمایت کا اعادہ کیا۔
تقریب کے آخر میں 15 جولائی کی یاد میں تصویری نمائش کا انعقاد بھی کیا گیا۔
یادگاری تقریب جمہوریت کے نظریات کو برقرار رکھنے، قومی اتحاد کو مضبوط بنانے اور ان اصولوں کو خطرے میں ڈالنے والے چیلنجز پر قابو پانے کے لیے مل کر کام کرنے کے عہد کے ساتھ اختتام پذیر ہوئی۔