ترکیہ کی خواتین کی قومی والی بال ٹیم نے جمہوریہ کی 100ویں سالگرہ پر تاریخ رقم کردی
جمہوریہ ترکیہ کے قیام کی 100 ویں سالگرہ کے موقع پر ترکیہ کی خواتین کی قومی والی بال ٹیم نے تاریخ رقم کردی ہے۔ اس سے قبل نیشنز لیگ میں بہترین نتیجہ حاصل کرنے والی ترکیہ کی خواتین کی قومی والی بال ٹیم نے سربیا کو ٹائی بریک سیٹ میں شکست دے کر ایک بار پھر میدان مارلیا ہے۔
ترکیہ کی خواتین کی قومی والی بال ٹیم نے تاریخ رقم کرنے کا سلسلہ جاری رکھا ہوا ہے۔ ۔ پہلی بار نیشنز لیگ کپ جیتنے والے سلطانز نے یورپی چیمپئن شپ میں “سربیا” کی ٹیم کو 3-2 سے شکست دے کر یورپین چمپئین ہونے کا اعزاز حاصل کرلیا۔
فائنل میں سربیا کو اگرچہ ترکیہ پر نفسیاتی برتری حاصل تھی لیکن ترکیہ کی خواتین کی قومی والی بال ٹیم نے اس بار میدان مارنے میں کامیابی حاصل کی۔ سربیا نے پہلا سیٹ 27-25 سے جیتا۔ ورگاس کے علاوہ ابرار نے بھی اسکور میں اہم کردار ادا کیا اور دوسرا سیٹ 25-21 کے اسکور کے ساتھ جیت لیا ۔
خواتین کی ترک والی بال ٹیم نے سال 2023 CEV یورپی چیمپیئن شپ کے فائنل میں سربیا کو دو کے مقابلے میں تین سیٹس سے ہرا دیا ۔
برسلز میں یہ مقابلہ پہلے سیٹ میں ترک ٹیم کے لیے مایوس کن مگر دوسرے سیٹ کا آغاز کافی سنسنی خیز رہا جس میں اس نے اکیس کے مقابلے میں پچیس پوائنٹس حاصل کیے ۔
تیسرے سیٹ کا آغاز کافی پر جوش ہوا جس کے نتیجے میں ترک ٹیم نے مخالف ٹیم کے تیرہ پوائنٹس کے جواب میں پندرہ پوائینٹ اسکور کرتے ہوئے دو کے مقابلے میں تین سیٹس سے یہ مقابلہ جیت لیا ۔
صدر ایردوان نے سوشل میڈیا پر ترک والی بال ٹیم کو مبارک باد پیش کی ہے۔
ورگاس نے تنہا ہی سربیا کو مات دیے رکھی
بلاشبہ چیمپئن شپ میں سب سے زیادہ حصہ میلیسا ورگاس کا تھا جو آخری پوائنٹ حاصل کرنے میں کامیاب رہیں۔ چیمپئن شپ کے ایم وی پی کے طور پر منتخب ہونے والے والی بال کے اسٹار کھلاڑی بھی فائنل میں اپنی چھاپ چھوڑنے میں کامیاب رہے۔ ورگاس نے ٹیم پر انی مہر ثبت کردی ہے۔ قومی والی بال کھلاڑی، جو اپنی انا کے خلاف سیمی فائنل میں اٹلی کے خلاف پہلی بار سٹار بن کر ابھرنے والی ورگاس نے فائنل میں بوسکوویچ کو بھی ڈھیڑ کردیا اور 41 پوائنٹس کے ساتھ فائٹ مکمل کرتے ہوئےترکیہ کے لیے تاریخ رقم کردی ۔