ترکیہ کی گرینڈ نیشنل اسمبلی کے سپیکر نعمان قرتولموس کا غزہ پیغام:
اس قتل عام کے خلاف آواز نہ اٹھانے والوں کا احتساب کیا جائے گا۔
ترکیہ کی گرینڈ نیشنل اسمبلی کے سپیکر نعمان قرتولموس نے بوسنیا اور ہرزیگووینا کے دارالحکومت سرائیوو میں بین الاقوامی یونیورسٹی آف سراجیوو (IUS) 2023-2024 تعلیمی سال کی افتتاحی تقریب میں شرکت کی۔ انہوں نے آشوٹز اور سریبٹینیکا کے قتل عام کے حوالے سے غزہ میں جاری انسانیت سوز ظلم پر دنیا کی توجہ مبذول کرائی۔ا
نہوں نے کہا کہ
“غزہ میں قتل عام کے ذمہ دار بین الاقوامی فوجداری عدالت کے سامنے ضرور پیش ہوں گے اور وہ اپنے کیے کی قیمت ادا کریں گے۔ “خاموش رہنے والے اور اس قتل عام پر آنکھیں بند کرنے والوں کا احتساب کیا جائے گا۔
قرتولموش نے کہا کہ
بوسنیا کی علاقائی سالمیت ترکیہ کی اہم ترجیحات میں سے ایک ہے…
یہ بتاتے ہوئے کہ ترکیہ اور بوسنیا اور ہرزیگوینا کے درمیان تاریخی دوستی ہے، نعمان قرتولموس نے اس بات پر زور دیا کہ ترکیہ ہر میدان اور ہر وقت بوسنیا اور ہرزیگووینا کے ساتھ کھڑا ہے۔
انہوں نے کہا کہ فلسطین پر اسرائیل کے حملوں میں ہزاروں بچے، خواتین، بوڑھے اور بے گناہ لوگ مارے جارہے ہیں۔
اس وقت سریبریٹنیکا کے بعد غزہ میں سب سے بڑا قتل عام جاری ہے۔
طاقت کا ایسا ظالمانہ استعمال دنیا میں کہیں نہیں دیکھا گیا،
26 دنوں میں تقریباً 10 ہزار لوگوں کی جانیں لے لی گئیں، ان کے ہسپتالوں پر بمباری کی گئی، ان کے پاس بجلی، پانی، خوراک نہیں، علاج کی ناکافی سہولیات کے باعث شدید زخمیوں کو یہ سوچ کر ایک طرف چھوڑ دیا جاتا ہے کہ ‘وہ بہرحال مر جائیں گے ۔
انہوں نے اقوام متحدہ پر کڑی تنقید کرتے ہوئےکہا کہ
*اقوام متحدہ حل نہیں نکال سکتا*
اقوام متحدہ کے پاس اب دنیا میں کسی جنگ کو ختم کرنے یا انسانوں کے بنائے ہوئے کسی مسئلے کو حل کرنے کی صلاحیت باقی نہیں رہی ہے۔ اقوام متحدہ ہجرت کے مسئلے کو حل نہیں کر سکتا، نہ ہی گلوبل وارمنگ کا مسئلہ، نہ ہی دنیا میں بھوک اور قحط کا مسئلہ، نہ افریقہ میں بڑے پیمانے پر غربت کا مسئلہ۔
کیونکہ اقوام متحدہ نے اس پر کوئی نظام نہیں بنایا ہے۔