رجب طیب ایردوان نے اکسرائے میں 31 مارچ کو ہونے والے بلدیاتی انتخابات کے سلسلے میں جاری انتخابی مہم سے خطاب کرتے ہوئے کہا کہ “ہمارے پاس مہنگائی کو کم کرنے کے لیے پروگرام اور عزم ہے۔
ہم نے ملازمت پیشہ افراد اور ریٹائر ہونے والوں کی قوت خرید میں اضافے کے لیے نئے اقدامات اٹھائے ہیں۔اس سلسلے میں ہم نے اپنے ریٹائر ہونے والوں اور ملازمین کی تنخواہوں میں 50 فیصد تک اضافہ کیا ہے۔
ایردوان نے کہا کہ جو ہمارے ملک کی طاقت اور صلاحیت سے پریشان ہیں، وہ اپوزیشن کو استعمال کر کے ہماری قوم کو مایوسی کی دلدل میں گھسیٹنا چاہتے ہیں۔
ان کا خیال ہے کہ وہ ہمارے اور ہماری قوم کے درمیان دراڑ پیدا کر سکتے ہیں۔ ہم نے اس کا تجربہ کئی بارکیا ہے۔۔ ہم نے دہشت گرد تنظیموں کے حملوں کا مقابلہ کیا ہے، FETO سے لے کر PKK تک۔
ایردوان نے اس عزم کا اعادہ کیا کہ “ہم اپنے ملک کو دنیا کی دس بڑی معیشتوں میں سے ایک بنائیں گے۔
یہ بتاتے ہوئے کہ خطے میں تناؤ بڑھ رہا ہے، ایردوان نے کہا، “ہمیں ابھی بہت کام کرنا ہے، بہت سے منصوبے ہیں جو ہمیں مکمل کرنے کی ضرورت ہے۔ ایک طرف روس اور یوکرین کے درمیان جنگ بھڑک رہی ہے تو دوسری طرف غزہ کے لوگ، جن کا اسرائیل نے خواتین اور بچوں سمیت قتل عام کیا۔” ہر طرف کشیدگی بڑھتی جا رہی ہے۔ بلقان سے قفقاز تک۔ ہم اس کی انتہائی دردناک مثالیں دیکھ رہے ہیں کہ کس طرح نام نہاد عظیم ریاستیں اور ان کے زیر کنٹرول بین الاقوامی تنظیمیں کسی کا بھلا نہیں کر رہیں۔۔
ایردوان نے مزید کہا کہ ہم ترک قوم ہیں۔ ہم اپنی قوم کا فخر اور مظلوموں کی امید ہیں۔۔۔ “امید ہے کہ 31 مارچ کو ہمیں 18 ویں بار اپنی قوم کی حمایت حاصل ہوگی۔”