اسرائیل اور حماس کے درمیان جنگ کے بعد ترکیہ نے مغربی ممالک کے برعکس فلسطین اور غزہ کی حمایت کا اعلان کیا ۔
ترکیہ جس نے فلسطین میں لاتعداد انسانی امداد بھیجی ہے، حال ہی میں اسرائیل کی برآمدات محدود کردی ہیں۔ ریبار سے فلیٹ اسٹیل، ماربل سے لے کر سیرامکس تک 54 مصنوعات پر برآمدات محدود کر دی گئی ہیں۔ صدر ایردوان نے کہا کہ پابندیاں اس وقت تک جاری رہیں گی جب تک غزہ تک بلا تعطل، بلا روک ٹوک اور مناسب انسانی امداد نہیں پہنچائی جاتی۔
اسرائیلی وزیر خارجہ اسرائیل کاٹز نے اپنے سوشل میڈیا اکاؤنٹ پر ایک بیان میں ترکیہ کی جانب سے برآمدات کو محدود کرنے کے فیصلے پر ردعمل کا اظہار کرتے ہوئے کہا کہ ہمیں ترکیہ کی ضرورت ہے۔
ایک اسرائیلی میڈیا نے لکھا کہ تل ابیب انتظامیہ کو ترکیہ کے اس اقدام کے بعد بدترین صورت حال کے لیے تیار رہنا چاہئے ۔
حیفہ میں میری ٹائم پالیسی اینڈ سٹریٹیجی سینٹر کے محقق ایہود گونن نے کہا کہ ترکیہ اور اسرائیل کے درمیان غزہ کی صورتحال کے باعث تعلقات تیزی سے بگڑتے جا رہے ہیں اور کہا کہ اسرائیل کو بحیرہ اسود کے ممالک میں اپنی برآمدات کے لیے ترکیہ کی سخت ضرورت ہے۔
ایہود گونن نے
کہا کہ ترکیہ بنیادی طور پر مقامی اور ایشیائی ممالک کی تیار کردہ مصنوعات کو مقامی مارکیٹ میں استعمال کرتا ہے، Maariv اخبار نے یاد دلایا کہ اسرائیل،ترکیہ کے اہم ترین برآمدی ممالک میں سے ایک ہے، لیکن جنگ کی وجہ سے ماضی کے مقابلے میں اس صورتحال میں کمی آئی ہے۔ یہ بتاتے ہوئے کہ ترکیہ کو اس رکاوٹ کے بعد مقامی مارکیٹ میں صرف 5 فیصد نقصان کا سامنا کرنا پڑے گا،
جبکہ اسرائیل کو بدترین صورت حال کے لیے تیار رہنا چاہئے ۔ اخبار کے مطابق اگر ترکیہ آبنائے باسفورس بند کرتا ہے تو اسرائیل کی روس، یورپ حتیٰ کہ قفقاز تک رسائی بھی منقطع ہو جائے گی اور یہ اسرائیل کی اقتصادی تباہی کا باعث بن سکتا ہے۔
