ترکیہ اور پاکستان کے مابین برادرانہ تعلقات عالمِ دنیا میں اُن گنے چنے رشتوں میں شامل ہیں جو اخلاص، ایثار اور بے لوث محبت پر قائم ہوتے ہیں، اور جو سچی دوستی کی اعلیٰ ترین مثال تصور کیے جاتے ہیں۔
صدر ایردوان نے پاکستان کے وزیراعظم میاں محمد شہباز شریف کی جانب سے دیے جانے والے بیان کا نہایت ہی دلنشین انداز میں جواب دیتے ہوئے کہا کہ “ہم پاکستان کے امن، سکون اور استحکام کو نہایت اہمیت دیتے ہیں۔ پاکستانی ریاست کی سمجھداری، صبر، اور بات چیت پر مبنی حکمتِ عملی قابلِ تحسین ہے، اور ہم مستقبل میں بھی آپ کے ساتھ کھڑے رہیں گے۔ترکیہ کے طور پر، ہم پاکستان کے امن، استحکام اور خوشحالی کو بہت اہمیت دیتے ہیں۔ہم تنازعات کے حل میں پاکستانی ریاست کی دانشمندانہ، صبر آزما اور مکالمے اور مفاہمت پر مبنی پالیسیوں کا خیرمقدم کرتے ہیں۔جیسا کہ ہم نے ماضی میں کیا تھا، ہم مستقبل میں بھی آپ کے اچھے اور مشکل دنوں میں آپ کے ساتھ کھڑے رہیں گے۔
آپ کے توسط سے ، میں پاکستان کے دوست اور برادر لوگوں کو دلی مبارکباد پیش کرتا ہوں۔
پاک-ترک دوستی زندہ باد۔
اس سے قبل ترک صدر نے کابینہ کے اجلاس کے بعد بیان دیتے ہوئےپاکستانی قوم کے لیے اپنی حمایت کا واضح اعلان کیا ہے۔ انہوں نے بیان میں کہا کہ پاکستان اور بھارت کے درمیان جنگ بندی پر خوشی ہے، ہم نے کشمیر میں دہشت گرد حملے اور پاکستان پر میزائل حملوں پر واضح موقف اپنایا ہے۔
صدر رجب طیب ایردوان نے کہا دونوں ممالک کے درمیان انتہائی خطرناک تناؤ کو کم کرنے کے لیے انتھک کوششیں کیں، اپنے بھائی وزیراعظم شہباز شریف کو ٹیلی فون کیا، ان سے اہم گفتگو ہوئی۔
اس محبت بھرے پیغام کے جواب میں وزیراعظم پاکستان میاں شہباز شریف نے صدر ایردوان کا شکریہ ادا کرتے ہوئے ایک دلنشین بیان جاری کیا۔ سوشل میڈیا پر اپنے پیغام میں انہوں نے کہا:
“ہمیں ترکیہ کے ساتھ اپنے دیرینہ اور برادرانہ تعلقات پر فخر ہے۔ میں اپنے پیارے بھائی صدر رجب طیب ایردوان کی مضبوط حمایت اور غیر متزلزل یکجہتی سے بے حد متاثر ہوں۔”
انہوں نے صدر ایردوان کی جنوبی ایشیا میں امن کے فروغ کے لیے کی جانے والی کوششوں کا بھی شکریہ ادا کیا اور اُمید ظاہر کی کہ ترکیہ اور پاکستان کا رشتہ وقت کے ساتھ مزید گہرا اور مضبوط ہوتا چلا جائے گا، کیونکہ دونوں ممالک مل کر ایک “روشن اور خوشحال مستقبل” کی تعمیر کے لیے کوشاں ہیں۔