پاکستان نے اتوار کے روز شمال مغربی چین کے جیوچوان سیٹلائٹ لانچ سینٹر سے اپنا پہلا ہائیپر اسپیکٹرل سیٹلائٹ (HS-1) کامیابی کے ساتھ خلا میں روانہ جس کے روانگی کے مناظر سپارکو کے دفتر سے دکھائے گئے۔
ماہرین کے مطابق لانچنگ کے بعد سیٹلائٹ 28 منٹ میں مدار میں پہنچ گیا، سیٹلائٹ سے معلومات کے حصول کے آغاز میں کچھ ماہ لگ سکتے ہیں۔
ترجمان اسپارکو کا بتانا ہے کہ پاکستان کا یہ مشن قومی خلائی پالیس
وزارتِ خارجہ کی جانب سے جاری بیان میں کہا گیا کہ:
“پاکستان اسپیس اینڈ اپر ایٹموسفیئر ریسرچ کمیشن (SUPARCO) نے پاکستان کے پہلے ہائیپر اسپیکٹرل سیٹلائٹ HS-1 کی کامیاب لانچ کے ذریعے ایک تاریخی سنگِ میل عبور کر لیا ہے۔”
یہ جدید سیٹلائٹ انتہائی حساس ہائیپر اسپیکٹرل امیجنگ ٹیکنالوجی سے مزین ہے، جو زمین کی سطح سے موصول ہونے والے روشنی کے باریک ترین طیفی (Spectral) تغیرات کو ریکارڈ کرنے کی صلاحیت رکھتا ہے۔ اس جدید نظام کے ذریعے زرعی زمینوں کے استعمال، نباتات کی صحت، آبی وسائل کے تحفظ، اور شہری ترقیاتی منصوبوں کا غیر معمولی باریک بینی سے تجزیہ ممکن ہوگا۔
یہ سیٹلائٹ چین۔پاکستان اقتصادی راہداری (CPEC) سے وابستہ ترقیاتی منصوبوں میں بھی اہم کردار ادا کرے گا، خاص طور پر زمینی خطرات (Geo-hazard Risks) کی نشاندہی اور پائیدار انفراسٹرکچر کی تعمیر میں مدد فراہم کر کے۔
HS-1 کی کامیاب لانچ پاکستان کے خلائی پروگرام میں ایک عظیم سنگِ میل کی حیثیت رکھتی ہے، جو نہ صرف SUPARCO کے عزم اور پیشہ ورانہ مہارت کا مظہر ہے بلکہ یہ اس بات کی بھی غمازی کرتی ہے کہ پاکستان اپنی قومی ترقی کے لیے خلائی ٹیکنالوجی کے پُرامن اور مؤثر استعمال کے عہد پر کاربند ہے۔
یہ کامیابی پاکستان اور چین کے مابین خلائی تحقیق کے پُرامن میدان میں طویل المدتی شراکت داری کو مزید مضبوط بناتی ہے اور دونوں ممالک کے باہمی تعاون کے ذریعے سماجی و اقتصادی ترقی کے مشترکہ سفر کو ایک نئے دور میں داخل کرتی ہے۔
لانچ کا یہ تاریخی لمحہ چین کے جیوچوان سیٹلائٹ لانچ سینٹر میں وقوع پذیر ہوا، جبکہ اس مشن کی براہِ راست نشریات کراچی میں موجود SUPARCO کے کنٹرول سینٹر سے بھی کی گئیں۔
یہ پاکستان کے لیے ایک نیا فلکیاتی باب ہے ، جو قوم کے سائنسی، تکنیکی اور ترقیاتی مستقبل میں ایک تابناک اضافہ ثابت ہوگا۔