تحریر ڈاکٹر فرقان حمید
دنیا اس وقت آئی ٹی کے سہارے ترقی کے نئے راستے پر گامزن ہے تو اس دوران پاکستان کی نوجوان اور نئی نسل آئی ٹی کے سہارے ملک کا مستقبل سنوارنے کا بیڑہ اٹھا چکی ہے۔ نئی اور نوجوان نسل اپنے محدود حالات کے باوجود ایسے ایسے کارنامےسر انجام دے رہی ہے جسے دیکھ کر ترقی یافتہ ممالک بھی حیران ہیں۔
اگرچہ اس وقت ڈران ٹیکنولوجی میں امریکہ ، چین، اسرائیل اور ترکیہ بہت آگے نکل چکے ہیں لیکن وہ دن دور نہیں جب پاکستان اس جدید ڈران ٹیکنولوجی میں دنیا کے ان تمام ممالک کے پیچھے چھوڑ جائے گا۔ اگرچہ آئی کیو لیول کے لحاظ سے پاکستانی دنیا میں سر فہرست ممالک میں سے ایک ہے لیکن پاکستان کی نوجوان نسل کو اس سے قبل کبھی بھی اپنے آئی کیو لیول کے باوجود ملک کی ترقی میں اپنا کردار ادا کرنے کا موقع ہی میسر نہیں آیا ہے لیکن پہلی بار آئی ٹی کی وجہ سے پاکستان کی نوجوان نسل نے میدان میں اتر کر ایسے ڈران تیار کرنے شروع کردیے ہیں جسے ابھی تک کوئی ملک تیار ہی نہیں کرسکا ہے۔
پاکستان کی نوجوان نسل نے ورٹیکل شکل میں پرواز کرنے والے ڈرانز تیار کرکے دنیا کو چیلنج کردیا ہے اور ابھی تک دنیا کا کو ئی بھی ملک اس ورٹیکل پرواز کروانے ڈران تیار کرنے میں کامیاب نہیں ہوسکا ہے تاہم اس کا سہرا پاکستان میں موجود ایک پرئیویٹ کمپنی Woot Tech کو جاتا ہے۔ یہ کمپنی جلد ی پاکستان اور دنیا کو ایک سرپرائز بھی دینے والی اور ایک ایسا ڈران تیار کرنے میں مصروف ہے جو اس سے پہلے تیار نہیں کیا گیا ہے۔
اس کمپنی کی ویڈیو دیکھتے ہوئے نوجوان نسل کو سلوٹ کرنے کو دل چاہتا ہے اور ساتھ ہی ساتھ حکومت سے بھی درخواست ہے کی اس طرح کی پاکستان میں بہت سے کمپنیاں موجود ہیں جو آئی ٹی ٹیکنولوجی میں بہت آگے نکل چکی ہیں اور پاکستان کو ٹکسٹائل(بنیانیں اور انڈر وئیر )دنیا کو فروخت کرنے کی بجائے جدید ٹیکنولوجی کے حامل ان ڈرانز کو فروخت کرنے اور اس منڈی میں ابھی ہی سے اپنی مہر ثبت کرنے کی ضرورت ہے ۔ پاکستان کی نوجوان نسل بڑے کھٹن حالات میں آئی ٹی ٹیکنولوجی میں آگے بڑھ رہی ہےبلکہ بہت آگے بڑھ چکی ہے جس کا تصور سے پہلے ممکن نہ تھااس لیے حکومت کو اس سلسلے میں آئی کمپنیوں کی مالی معاونت کرنے کی ضرورت ہےتاکہ وہ مملکتِ پاکستان کو ترقی کی راہ پر گامزن کرسکیں اور اپنی آئی ٹی ٹیکنولوجی کی پروڈکس فروخت کرتے ہوئے غیر ملکی سرمایہ بھیک مانگنے کی شکل میں نہیں بلکہ اپنی محنت و تگ و دو سے حاصل کرسکیں ۔ اسی میں ہماری عظمت ہے ۔
ترکیہ اگر ڈرانز کی دنیا میں بہت آگے نکل چکا ہے تو اس کے پیچھے بھی چند ایک محنتی پاکستانیوں کا ہاتھ ہے جو امریکہ، برطانیہ اور پاکستان سے آکر ترکوں کا ہاتھ بٹا رہے ہیں۔ آخر میں اتنا ضرور کہوں گا۔ ذرہ نم ہو تو یہ مٹی بہت زرخیز ہے ۔ حکومت کو فوری طور پر اس طرف توجہ دینے اور اسے باقاعدہ ایک اسٹینڈرڈ اور نگرانی کے تحت چلانے کی ضرورت ہے
