صدر رجب طیب ایردوان نے گزشتہ روز حماس کے پولیٹیکل بیورو کے چیئرمین اسماعیل ہنیہ سے ملاقات کے دوران غزہ میں جنگ بندی اور انسانی امداد کے امور پر تبادلہ خیال کیا ۔ استنبول میں ہونے والی اس اہم ملاقات کو عالمی پریس میں وسیع تر کوریج اور اہمیت ملی۔
ایردوان اور حماس کے اہم لیڈر اسماعیل ہنیہ کی گزشتہ روز ہونے والی ملاقات جو کہ 2.5 گھنٹے تک جاری رہی عالمی پریس میں شہ سرخیوں کی زینت بنی۔
الجزیرہ نے سرخی لگائی ‘ترک صدر کا کہنا ہے کہ ‘اسرائیل کے خلاف سب سے سخت ردعمل اور فتح کا راستہ اتحاد اور سالمیت کا ہے’۔
بلومبرگ نے لکھا ‘ترک رہنما نے ایک بار پھر جنگ بندی اور امداد میں تیزی لانے کا مطالبہ کیا۔’
برطانوی گارڈین نے ‘حماس رہنما سے ملاقات کے بعد ایردوان نے فلسطین میں اتحاد کا مطالبہ’ کی سرخی لگائی۔
خبر میں کہا گیا کہ، ‘ایردوان نے کہا ہے کہ ایران اور اسرائیل کے درمیان حالیہ واقعات کو وجہ بنا کر اسرائیل کو غزہ میں ‘زمین پر قبضہ کرنے’ کی اجازت نہیں دینی چاہیے۔’
اسرائیلی پریس نے ایردوان کی اس ملاقات کو *سیاسی علامت* کے طور پر لکھا ۔
ایک اور اسرائیلی اخبار، یروشلم پوسٹ نے اس ملاقات میں دیا گیا *’سیاسی پیغام* ‘ اپنی سرخی کے طور پر شائع کیا۔
Jpost
نے اپنی خبر میں سرخی لگائی *’سیاسی علامت*
ترکیہ حماس کے رہنماؤں کی میزبانی یوں کررہا ہے جیسے کہ حماس ایک ریاست ہے۔
ترکیہ حماس کے اسرائیل پر حملے کے بعد خطے میں حماس کے بڑھتے ہوئے اثر و رسوخ اور طاقت کو تسلیم کررہا ہے ۔
ہندوستان نے قارئین کے لیے استنبول میں ہونے والے سربراہی ملاقات کا عنوان “ترک صدر ایردوان کی استنبول میں حماس لیڈران سے ملاقات” لکھا ۔
ایران میں مقیم پریس ٹی وی کی سرخی تھی ‘غزہ جنگ میں ثالثی کی کوشش کرتے ہوئے ترکیہ نے حماس کے رہنما اسماعیل ہنیہ سے ملاقات کی۔
خبر میں کہا گیا ہے کہ ‘فلسطینی مزاحمتی تحریک کے پولٹیکل بیورو کے سربراہ نے ترک صدر رجب طیب ایردوان سے ایسے وقت میں ملاقات کی جب انقرہ غزہ میں اسرائیل کی جاری جارحیت کو ختم کرنے کی کوششوں میں زیادہ موثر کردار ادا کرنے کی کوشش کر رہا ہے۔’
*’ترکیہ کا مقصد خود کو ثالث کے طور پر رکھنا ہے’*
فرانس 24 نے اپنی خبر میں ‘ترکیہ کا مقصد خود کو تنازع میں ثالث کے طور پر کھڑا کرنا ہے’ کا تبصرہ پیش کیا ۔
لندن سکول آف اکنامکس کے ایک محقق سیلن ناسی نے فرانس 24 کو بتایا کہ “یہ بالکل ممکن ہے کہ ترکیہ غزہ اسرائیل تنازعہ میں قطر کے متبادل کے طور پر *ثالث* کا کردار ادا کرنا چاہتا ہے۔
یورونیوز نے لکھا کہ ترکیہ نے مصر اور حماس کے عہدیداروں سے اہم ملاقات کی۔
پروٹو تھیما نے لکھا ،استنبول میں ہونے والی ملاقات میں خالد مشعل، حماس کی طاقتور شخصیات میں سے ایک اور یرغمالیوں کے اہم مذاکرات کار بھی موجود تھے۔
ایک اور یونانی اخبار کاتیمیرینی نے لکھا : ‘ ترک صدر طیب ایردوان نے استنبول میں حماس کے رہنما اسماعیل ہنیہ کا خیرمقدم کیا اور ان سے غزہ میں جنگ بندی کے قیام اور انسانی امداد فراہم کرنے کی کوششوں پر تبادلہ خیال کیا۔’
