ترکیہ کی دوسری بڑی جماعت ری پبلیکن پیپلز پارٹی (CHP) کے چئیرمین کمال کلیچدار اولو نے نوجوانوں سے ملاقات کرتے ہوئے کہا کہ آپ نوجوان ہی ترکیہ میں آمرانہ حاکمیت کو جمہوری طریقے سے ختم کرتے ہوئے دنیا میں ایک نئی مثال تشکیل دے سکتے ہیں۔
کلیچدار اولو نے نوجوانوں سے خطاب کرتے ہوئے کہا کہ آپ ہی ووٹ ڈالتے ہوئے اقتدار کو جمہوری طریقے سےتبدیل کرسکتے ہیں۔
ری پبلیکن پیپلز پارٹی کے چئیرمین کمال کلیچدار اولو
ری پبلیکن پیپلز پارٹی کے چئیرمین کمال کلیچدار اولو نے ان خیالات کا اظہار CHPیوتھ فیسٹویل سے خطاب کرتے ہوئے کیا۔
انہوں نے یہاں اپنی نوجوان نسل سے خطاب کرتے ہوئے کہا کہ ترکیہ میں اقتدار کی منتقلی دنیا کی سیاسی تاریخ میں نوجوانوں کے لیے ایک ارمغان ہوگا۔ ترکیہ میں نوجوان نسل نے ملک میں جمہوری طریقے سےآمرانہ اقتدار کا خاتمہ کرتے ہوئے تاریخ رقم کریں گے جو پوری دنیا کے نوجوانوں کے لیے رول ماڈل ہوگا۔ ہم جمہوری طریقے سے آمرانہ حاکمیت کا خاتمہ کردیں گے۔
انہوں نے نوجوانوں سے اپیل کی کہ وہ پولنگ اسٹیشن جائیں اور اپنا اپنا حقِ رائے دہی ضرور استعمال کریں۔
کمال کلیچدار اولو نے کہا کہ مجھے معلوم ہے آپ پر شدید دباو ڈالا جائے گا،آپ کو دہمکیاں دی جائیں گی لیکن یہاں اس ہال میں موجود تمام باشندے ایک ایک کمال کلیچدار اولو ہے۔ میرا اس ہال میں موجود ہزاروں کمال کلیچدار اولو پر مکمل اعتماد ہے۔ ہم ضرور اقتدار حاصل کریں گے۔ ہماری جدہد جہد حق پر مبنی جہدو جہد ہے ، یہ جدو جہد خوبصورت ترکیہ کی لیے جدو جہد ہے، ہماری جدو جہد مرد و
خواتین کے مساوی حقوق کی جدو جہد ہے ، ہماری جدو جہد ایک باعزت مملکت کا حترام کروانی کی جدو جہد ہے۔
پولنگ اسٹیشن جانے اور ووٹ کاسٹ کرنے کی اپیل
نوجوانوں کو ووٹ کاسٹ کرنے کی اپیل کرتے ہوئے کمال کلیچدار اولو نے کہا کہ اگر آپ اقتدار تبیل کرنا چاہتے ہیں تو تو آپ ووٹ ضرور کاسٹ کریں اور اس طرح تاریخ کا رخ تبدیل کردیں۔
اب ہم اقتدار حاصل کرکے ہی دم لیں گے
کمال کلیچدار اولو نے کہا کہ آئندہ صدر بیش تپے محل میں نہیں بلکہ قصر چانکایہ میں اپنے فرائض ادا کریں گے۔ انہوں نے کہا کہ میں آپ کو یقین دلاتا ہوں کہ اب اس ملک میں انصاف کا دور دورہ ہوگا، یہ سب کچھ ہم مل جل کر کریں گے اور اب ہم اقتدار حاصل کرکے ہی دم لیں گے ۔ انہوں نے کہا کہ ہم مل کر کام کریں گےیہ ہمارا عزم ہے اور اقتدار حاصل کرنا ہمارا ہدف ہے ۔ انہوں نے نوجوانوں کو مخاطب کرتے ہوئے کہا کہ ہمارا ہدف اقتدار اور صرف اقتدار ہے۔ ڈیمو کریسی کے لیے اقتدار، انصاف کے لیے اقتدار، اقتدار اور صرف اقتدار ۔
کمال کلیچدار ولو نےاقتدار حاصل کرنے کے لیے پارٹی کی ایگزیکٹو کمیٹی کا اجلاس طلب کرلیا
کمال کلیچدار ولو نے 9 فروری بروز جمعرات ایگزیکٹو کمیٹی کے اجلاس کی صدارت کریں گے۔ اجلاس میں 6 جماعتوں کے اتحاد کے 13 فروری کو صدارتی امیدوار کے اعلان سے متعلق مذاکرات سے قبل 9 فروری کو اپنی پارٹی کی ایگزیکٹو کمیٹی کا اجلاس طلب کرلیا ہے۔
اس اجلاس میں کمال کلیچدار اولو کو ملت اتحاد کے صدارتی امیدوار کے نام سے متعلق مکمل اختیارات دینے کی توقع کی جا رہی ہے۔
اجلاس میں مئی میں ہونے والے عام انتخابات کا بھی جائزہ لیا جائے گا۔