اپوزیشن اتحاد کی گڈ پارٹی کی چئیر پرسن آق شینیر نےملت اتحاد کو ڈائنا مائٹ سے اُڑادیا،ترکیہ بھر میں دہماکے کی گونج

ایردوان کے دوبارہ سے صدر منتخب ہونے کے دروازےپوری طور پر کھل گئے

 ترکیہ کی اپوزیشن  میں دراڑ۔ گڈ پارٹی کی  چئیر پرسن میرال آق شینر  نے ترکیہ کی سیاست کا پانسہ پلٹ دیا ۔ دہماکہ خیز بیان جاری  کرتے ہوئے   ملت اتحاد میں شامل 5 دیگر جماعتوں  سے الگ  تھلگ موقف  اختیار کرتے ہوئے کمال کلیچدار اولو کے صدارتی امیدوار کی حمایت نہ کرنے کا اعلان   کرتے ہوئے   ایسے  ڈائنا مائٹ  سے اپنے اتحاد کے پرخے اڑادیے ہیں جس سے  اب اس اتحادکا  جانبر ہونا ممکن دکھائی نہیں دیتا ہے  تاہم آق شینیر کے اس اقدام سے   رجب طیب  ایردوان کے صدر منتخب ہونے  کی راہ میں اب کوئی رکاٹ موجود نہیں رہی ہے۔  

گڈ  پارٹی  کی ایگزیکٹو کمیٹی  کے اجلاس کے بعد پارٹی کی چئیر پرسن  میرال اق شینر  نے چھ جماعتوں کے اتحاد  کے بارے میں اپنا فیصلہ سنا دیا ہے۔

6جماعتوں کے اتحاد  کے 12ویں اجلاس کے بعد  اگرچہ متفقہ طور پر  صدارتی امیدوار  کے نام کے بارے میں  اتفاق رائے  ہونے اور  صدارتی امیدوار کا نام 6 مارچ کو آگاہ کرنے  کا اعلان کیا گیا تھالیکن اس  اعلان کے فورا بعد ہی  اس اتحاد کی سب سے بڑی  جماعت ری پبلیکن پیپلز  پارٹی CHP ور دوسری بڑی جماعت گڈ پارٹی   کی ایگزیکٹیو کمیٹی کا اجلاس منعقد ہواجبکہ میرال آق شینر  نے اس اجلاس کے بعد کمال کلیچدار اولو کے صدارتی امیدوار بننے  کی حمایت نہ کرنے بلکہ   انقرہ کے مئیر منصور یاوش اور استنبول بلدیہ کے مئیر  اکرم امام اولو  میں سے کسی   ایک کو صدارتی امیدوار  بننے کی اپیل کی ہے۔

پارٹی ایگزیکٹیو کمیٹی کے بعد میرال آق شینر  کا بیان

ہم سر تسلیمِ خم نہیں  کریں گے

انہوں نے اپنے خطاب  میں کہا کہ میں جو کچھ بھی کہنا چاہتی ہوں  وہ آغاز ہی میں کہہ دوں۔گڈ پارٹی  شدید دباو کا  شکار تھی۔ اس پر تمام دروازے بند  کردیے گئے اور کوئی  متبادل نہ چھوڑا گیالیکن ہم کسی کے سامنے اپنا سرتسلیم خم  نہیں کریں گے۔  ہم مفاد کی سیاست  پر یقین نہیں رکھتے ہیں ۔ ہمارے لیے قوم کا مفاد  زیادہ عزیز ہے۔

ملت اتحاد

میں اور میرے ساتھی  پہلے ہی روز سے   اپنے فیصلے پر ڈٹے ہوئے ہیں۔ ہم جس طرح  2002 میں قوم کے خلاف سازش کرنے والوں کے خلاف کھڑے تھے آج بھی اسی طرح کھڑے ہیں۔ 2010 میں جس طرح کھڑے تھے، آج اسی جگہ کھڑے ہیں۔ جس طرح ہم 2015 میں قوم کی جان لینے والوں کے خلاف کھڑے تھے آج بھی  اسی طرح کھڑے ہیں۔

آج ہم اسی جگہ کھڑے ہیں جس طرح ہم 2020 میں قوم کی ترجیحات کو نظر انداز کرنے والوں کے خلاف کھڑے تھے۔

2023 ہماری قوم ہماری جمہوریہ کی بوسیدہ اقدار، اپنی جمہوریت اور اپنی آزادی کے لیے بر سر پیکار ہے تو  ہم ان لوگوں کے خلاف  بھی جدو جہد جاری رکھے ہوئے ہیں جو  یہ سمجھتے ہیں کہ ہم کھمبے کو بھی کھڑا کریں گے تو ہمیں کامیابی  حاصل ہو جائے گی۔  ہمارا راستہ کل بھی وہی تھا اور آج بھی وہی ہے۔

ہم نے ترکیہ کے چاروں اطراف  کا دورہ کیا ہے

ہم  نے ہمیشہ   مسلط  کردہ فیصلوں  اور اقدامات کا  ڈٹ کر مقابلہ کیا ہے۔ ہم اپنی قوم کو ملک کے سیاسی  محور میں لے کر آئے ہیں   اور ہم نے شہر شہر  گاوں گاوں کا دورہ کرتے ہوئے عوام کی خواہشات  کا احترام کیاہے۔ اپنے تمام تر اختلافات کے باوجود ہم ان مسائل کے مشترکہ حل کے لیے بہت سے اہم معاملات پر ایک معاہدے پر پہنچ چکے  تھے۔

آق شینیر نے  دو صدارتی امیدواروں کے ناموں  کا اعلان کردیا

کل کے اجلاس میں، 5 جماعتوں نے  ری پبلیکن پیپلز پارٹی  کے چئیرمین کمال کلیچدار اولوکے صدارتی امیدوار کے نام کی منظوری دی  جبکہ آق شینیر نے کہا ہے کہ ہمیں دو ایسے امیدواروں  کا نام صدارتی امیدوار کے طور پر پیش کرنا چاہیے جسے عوام کی مکمل حمایت حاصل ہو اور جنہوں نے اس سے قبل ایردوان   کو شکست سے دوچار بھی کیا ہو۔ یہ  انقرہ کے مئیر منصور یاوش اور استنبول کے مئیر اکرم امام اولو ہیں لیکن بد قسمتی سے ہمارے اتحادیوں نے ان دونوں ناموں کو مسترد کردیا ہےجس پر ہمیں یہ فیصلہ کرنے پر مجبور کیا ہے۔