صدارتی انتخابات سےقبل ایردوان کی عظیم کامیابی،ترک صدی کاانمٹ شاہکار توگTOGG ایردوان کےسپرد

مقامی ا لیکٹرک کار توگ کی ترسیل نےایردوان کی کامیابی کے امکانات کو بڑھا دیا

ترکیہ کی مقامی ا لیکٹرک  کار توگ TOGG  صدر رجب طیب ایردوان کو  پیش کردی گئی ہے۔اناطولین کلر  میں پیش کی جانے والی توگ کار  سب کی توجہ کا مرکز بنی ہوئی ہے۔

ترکیہ  کی  مقامی الیکٹرک کار توگ  کا پہلا آرڈر صدر ایردوان نے دیا تھا ۔ تیار کردہ دو گاڑیوں کو جن میں ایک کا کلر   سرخ اور دوسرے کا کلر   اناطولین تھا  صدارتی محل میں ایک تقریب کے ساتھ  صدر رجب طیب ایردوان  کو پیش کردی گئیں۔

صدارتی محل میں  پیش کی جانے والی ان دونوں کاروں کے بعد  ترکیہ کی توگ گاڑیوں کی باقاعدہ ترسیل کا آغاز کردیا گیا ہے۔

ترکیہ کی مقامی  کار کو خوش آمدید

صدر رجب طیب ایردوان نے توگ کی صدارتی محل میں  ترسیل کے موقع پر بیان دیتے ہوئے کہا کہ ترکیہ کے لیے قابلِ فخر توگ  کار    کا آرڈر ہم نے   2019 میں دیا تھا   اور آج اس گاڑی کو حاصل کرکے بڑی خوشی محسوس ہو رہی ہے۔

انہوں نے کہا کہ ترک صدی کے پہلے ثمر کی حیثیت  رکھنے والی  توگ TOGG کار  کے لیے ترک قوم کے لیے نیک خواہشات  کا اظہار کرتا ہوں۔

توگTOGG  ہمارے ملک کی معاشی ترقی کی علامت کے طور پرابھری ہے۔ انہوں نے کہا کہ اس  پروجیکٹ کے بارے میں ابتدا میں مختلف الزامات  لگائے گئے اور اس ے صرف خیالات پر مبنی ہی کار قرار دیا گیا۔

توگ کار کی فروخت کے پہلے ہی روز  بڑی تعداد میں  لوگوں نے   اس میں دلچسپی لی اور فروخت کے ریکارڈ  ٹوٹ گئے۔  صدر ایردوان نے کہا کہ ترکیہ کی  یہ خاص کار  اب ترکیہ کی سڑکوں پر دوڑتی ہوئی دکھائی دے گی۔ انہوں نے کہا کہ اس کار کی تیار ی میں  کردار ادا کرنے والے  تمام ماہرین  اور لیبرز کے شکر گزار ہیں  اور ترک قوم کو مبارکباد پیش کرتے ہیں۔

گاڑی  کی خصوصی نمبر پلیٹ ایمینے ایردوان  کے نام 

صدارتی محل  آنے والے گاڑیوں پر صدارتی   نشان بھی لگادیا گیا ہے ۔ صدر کی اہلیہ ایمینے خانم کو پیش کی جانے والے گاڑی کی نمبر پلیٹ ایمینے ایردوان کے حروفِ تہجی کے پہلے دو حروفEE 2071  جنگِ ملاز گرت   پر مبنی ہے۔

یہ تاریخی  لمحہ ہے: ایمنے ایردوان

خاتونِ اول  ایمینے ایردوان نے اس موقع پر سوال کا جواب دیتے ہوئے کہا کہ وہ  ان تاریخی  یادگاری لمحات  پر بہت خوش ہیں۔  یہ لمحات ترکیہ اور  ہم سب کے لیے  یادگاری لمحات ہیں ۔ یہ کار ترکیہ کے لیے قابلِ فخر ہے   ،  یہ کار  استعمال کرنے میں بہت آرام دہ ہے، پانی کی طرح  بے آواز بہتی ہی چلی جا رہی ہے۔ گاڑی میں بیٹھ کر بڑی پر سکون ہوں۔ جب آپ اس گاڑی کو چلائیں گے تو خود ہی اس کی خوبیوں سے  آگاہ ہو جائیں گے۔اس گاڑی  کو تیار کرنے میں  اپنا کردار ادا کرنے والے تمام  ماہرین اور لیبرز کی شکر گزار ہوں۔

دوسری گاڑی صدر کے استعمال کے لیے مختص

اس گاڑی کو ترکیہ کی سڑکوں پر دوڑانے کے لیے   TSE TIP سرٹیفکیٹ فراہم کردیے گئے ہیں۔ صدر ایردوان نےتوگ کار تیار کرنے کے منصوبے میں ابتدا ہی سے بڑی گہری دلچسپی  لی۔ اس گاڑی کے رنگ  اناطولین رنگ کو صدر ایردوان نے پسند کیا تھا۔  ایردوان نے انا طولین رنگ کا فیصلہ کیا تھا۔ صدر ایردوان اور ان کی فیملی  کے لیے دو گاڑیوں کو  صدر ایردوان اور ان کی اہلیہ  ایمینے  ایردوان کو دو چابیاں پیش کرتے ہوئے ان کے حوالے کردی گئیں۔