ترکیہ میں 28 مئی کو ہونے والے صدارتی انتخابات کے دوسرے مرحلے کے لیے بیرون ملک اور سرحدی چوکیوں پر پولنگ میں حصہ لینے والے راِئے دہندگان کی تعداد 11 لاکھ 50 ہزار سے تجاوز کر گئی ہے۔
73 ممالک میں 156 نمائندہ دفاتر اور سرحدی چوکیوں پر ہفتے کو شروع ہونے والا ووٹنگ کا عمل جاری ہے۔
سپرئم الیکشن کمیشن سے حاصل کردہ معلومات کے مطابق غیر ملکی نمائندہ دفاتر اور کسٹم چوکیوں پر تیسرے روز صبح ساڑھے دس بجے تک 11 لاکھ 53 ہزار 842 ووٹرز نے ووٹ ڈالے ہیں۔
پولنگ کا عمل 24 مئی تک غیر ملکی نمائندہ دفاتر اور 28 مئی تک سرحدی چوکیوں پر شام 5 بجے تک جاری رہے گا۔
پاکستان میں بھی ترک شہریوں نےووٹ ڈالنے کا سلسلہ جاری رکھا ہواہے۔
پاکستان سے جمع کیے جانے والے بیلٹ پیپرز 23 مئی کو پاکستان سے ترکیہ پہنچ جائیں گے۔ پاکستان میں کل 1,232 ترک ووٹرز رجسٹرڈ ہیں اور بڑی تعداد میں اس بار ووٹرز نے ووٹ ڈالے ہیں۔
بیرون ملک ووٹنگ 24 مئی تک جاری رہے گی۔ جو لوگ کسٹم چوکیوں پر ووٹ ڈالنا چاہتے ہیں وہ 28 مئی تک ووٹ ڈال سکیں گے۔