پاکستان(صغیر رامے) سابقہ وزیراعظم پاکستان و چیئرمین تحریک انصاف عمران خان کو الیکٹرانک و پرنٹ میڈیا پر دکھائے جانے پر پابندی عائد کر دی گئی۔
ذرائع کے مطابق 9 مئی کے واقعہ کے بعد سے پاکستان تحریک انصاف مسلسل کریک ڈاؤن کی زد میں ہے اور دس ہزار سے زائد پارٹی رہنما و ورکرز کو گرفتار کیا جا چکا ہے۔ دوسری جانب پراسرار دباؤ کے تحت تحریک انصاف کی سرکردہ قیادت کی طرف سے پریس کانفرنسز کر کے پی ٹی آئی چھوڑنے حتہ کہ سیاست چھوڑنے کے اعلانات بھی جاری ہیں۔
مزید برآں ملک کے مقتدر حلقوں کی جانب سے عمران خان کو الیکٹرانک اور پرنٹ میڈیا پر پابندیوں کی خبریں بھی سامنے آ چکی ہیں جبکہ دوسری جانب تحریک انصاف کے سابقہ ناراض اراکین اور پریس کانفرنسز کر کے پی ٹی آئی چھوڑنے والے اراکین کی میٹنگز بھی جاری ہیں جن میں پی ٹی آئی کے سابقہ وزیر اطلاعات فواد چوہدری سر فہرست دکھائی دیتے ہیں۔