اسلام آباد( کامرس رپورٹ ) وزیر خزانہ اسحاق ڈار نے برطانوی وزیرخارجہ برائے دولت مشترک اینڈریو مچل سے ورچوئل میٹنگ کی اورانکو آئی ایم ایف کیساتھ نویں جائزہ پر ہونیوالے مذاکرات اور پیشرفت سے آگاہ کیا ، وزیر خزانہ نے بتایا کہ پاکستان نےآئی ایم ایف کے تمام پیشگی اقدامات بروقت مکمل کر لئے پاکستان میکرو اکنامک اشاریوں کے حوالے سے ترقی کی جانب گامزن ہے، ذرائع کے مطابق وزیر خزانہ نے برطانوی وزیر خارجہ سے سٹاف لیول معاہدے کیلئے مدد مانگ لی، برطانوی وزیر خارجہ نے وزیر خزانہ کو آئی ایم ایف سے معاہدے میں تعاون کی یقین دہانی کرا ئی ہے
وزیر خزانہ نے موجودہ حکومت کی جانب سے مشکل معاشی حالات میں کئے جانیوالے عملی معاشی فیصلوں اور حکومت کی جانب سے حالیہ بجٹ کے ذریعے عوام کی سماجی اور معاشی بہتری کیلئے تجویز کئے گئے اقدامات کے بارے میں بھی آگاہ کیابرطانوی وزیرنے کہاکہ حکومت پاکستان مختلف پالیسی اصلاحات کے ذریعے معاشی استحکام لانے کیلئے کام کررہی ہے جو خوش آئند ہےانہوں نے برطانوی حکومت کی جانب سے پاکستان کو مسلسل حمایت اور مدد کا یقین بھی دلایا، اسحاق ڈارنے کہا کہ مشکل اقتصادی صورتحال کے باجود حکومت نے بجٹ میں عوام کی سماجی اوراقتصادی ترقی کیلئے قابل عمل اقتصادی فیصلے اوراقدامات کئے ہیِں
برطانوی وزیر خارجہ نے یونان میں کشتی ڈوبنے کے حالیہ واقعہ میں بڑی تعداد میں پاکستانی شہریوں کی جانی ضیاع پر گہرے دکھ اور افسوس کا اظہار کیا وزیر خزانہ نے تعزیت وصول کی انکاشکریہ اداکیااورکہاکہ غیر قانونی انسانی سمگلنگ دنیا بھر میں ایک بہت بڑا مسئلہ بن چکا ہے اور اسے جلد از جلد ختم کرنے کی ضرورت ہے۔