پاکستان کی نگراں حکومت کے وفاقی وزیر اطلاعات و نشریات مرتضیٰ سولنگی نے اسلام آباد میں ترکش ریڈیو اور ٹیلی ویژن TRT کی اردو سروس کے ہیڈ ڈاکٹر فرقان حمید کو خصوصی انٹرویو دیتے ہوئے کہا ہے پاکستان اور ایران کے درمیان پیدا ہونے والے اختلافات کو دور کرنے کے لیے ترکیہ کے وزیر خارجہ حقان فیدان نے پاکستان اور ایران دونوں ممالک کے وزرائے خارجہ سے قریبی رابطہ قائم رکھا ہوا ہے۔ پاکستان کے وزیر خارجہ جلیل عباسی جیلانی نے ترک وزیر خارجہ حقان فیدان کی کاوشوں اور خیر سگالی کے پیغام کا خیر مقدم کیا ہے۔ حکومتِ پاکستان، حکومتِ ترکیہ کے ساتھ مسلسل رابطے میں ہے۔
انہوں نے کہا کہ سولہ جنوری 2024 کے بعد سے پاکستان اور ایران کے حالات معمول پر آرہے ہیں، جو تناو پایا جاتا تھا اس پر بڑی حد تک قابو پالیا گیا ہے۔ اس سلسلے میں حکومتِ پاکستان نے بڑا اہم کردار ادا کیا ہے اور اس قسم کا احساس حکومتِ ایران بھی رکھتی ہے۔ دونوں ممالک کے درمیان تناو کو کم کروانے نے برادر اور دوست ممالک جن میں ترکیہ سر فہرست ہے بڑا اہم کردار ادا کیا ہے۔ دونوں ممالک کے درمیان تناو کی وجہ سے خطے میں تشویش پائی جاتی تھی وہ آہستہ آہستہ ختم ہوتا جا رہی ہے۔
پاکستان کے خلاف کی جانے والی جارحانہ کاروائی کا جواب نہ دینا پاکستان کے لیے ممکن نہ تھا۔ پاکستان نے جواب دیا بھی اور متناسب جواب دیا اور سب سے اہم بات پاکستان نے یہ ثابت کردیا ہے کہ پاکستان کے خلاف چاہے کسی چھوٹے ملک کی طرف سے ہو یا بڑے ملک کی طرف سے جارحانہ کاروائی کی جائے ، پاکستان اس قسم کی جارحانہ کاروائیِوں پر خاموش نہیں رہ سکتا۔پاکستان ایک ایٹمی طاقت ہے لیکن ایک ذمہ دار ایٹمی طاقت ہے۔ پاکستان نے اپنی ذمہ داری ادا کی ہے اور حالات کو معمول پر لانے میں بڑا ہم کردارا ادا کیا ہے۔
ایران کے حملے کے بعد اگرچہ کچھ لوگوں میں پریشانی اور مایوسی بھی پائی جاتی تھی کہ پاکستان کیا کردار ادا کرتا ہے۔ کیا جوابی کاروائی کرتا ہےلیکن پاکستان کے تمام سیاسی اداروں اور فوج نے جس طرح اپنے اوپر عائد ہونے والے فرائض ادا کیے اور اپنی ذمہ داریوں کو نبھایا اس سے لوگوں کا اپنی ریاست پر اعتماد میں اضافہ ہوا ہےاور پاکستان بڑے پر اعتماد طریقے سے اپنا کردار ادا کررہا ہے۔
ترکیہ کے وزیر خارجہ حقان فیدان نے پاکستان اور ایران دونوں ممالک کے وزرائے خارجہ سے قریبی رابطہ قائم رکھا ہوا ہے۔ پاکستان کے وزیر خارجہ جلیل عباسی جیلانی نے ترک وزیر خارجہ حقان فیدان کی کاوشوں اور خیر سگالی کے پیغام کا خیر مقدم کیا ہے۔ حکومتِ پاکستان، حکومتِ ترکیہ کے ساتھ مسلسل رابطے میں ہے۔ علاوہ ازیں دیگر برادر ممالک جس میں چین بھی شامل ہے بھی اس سلسلے میں اپنی کاوشیں جاری رکھے ہوئے ہےتاہم پاکستان کی قیادت نے بڑی حد تک اس مسئلے کو حل کرلیا ہے۔ ترکیہ کے خیر سگالی کے جذبات کی ہم ہمیشہ قدر کرتے ہیں، ترکیہ نے ہمیشہ تعمیری کردارادا کیا ہے۔ ترکیہ کی قیادت اور ترک قوم کے ساتھ حکومتِ پاکستان اور پاکستان کے عوام کے تعلقات صدا بہار ہیں اور یہ پاکستان کے لیے بیش قیمت سرمایہ ہے۔
پاکستان الیکشن کمیشن آئین پاکستان کے تحت منصفانہ صاف، شفاف اور آزادانہ انتخابات کروانے کا واحد قانونی ذمہ دار ادارہ ہے۔ یہ ادارہ اپنی پوری تندہی اور احسن طریقے سے اپنے فرائض سر انجام دے رہا ہے۔ جمعرات 8 فروری 2024 کو عام انتخابات منعقد ہوں گے۔ پاکستان کی موجودہ نگراں حکومت آئین کی شق نمبر 224 کے تحت اپنا کردار ادا کررہی ہے۔ نگران حکومت الیکشن کمیشن کے اس کردار کو نبھانے میں اپنا تعاون فراہم کررہی ہے ، حکومتِ پاکستان ان انتخابات کے اسی روح کے عین مطابق منعقد کروانے کے لیے تیار ہے ، ہر جماعت اس قسم کے الزامات لگاتی چلی آرہی ہے کیونکہ یہ ہمارے سیاسی کلچر کا حصہ ہےمقصد اپنے آپ کو عوام کے سامنے مظلوم ثابت کرنا ہے۔ تمام سیاسی جماعتوں کو سیاست کرنے کی کھی اجازت ہے ان کی سیاسی سرگرمیوں پر کسی قسم کو ِہ قدغن نہیں ہے۔ نگران حکومت نہ خود ان انتخابات میں حصہ لے سکتے ہیں اور نہ ہی ان کے رشتہ دار ان انتخابات میں حصہ لے سکتے ہیں۔ ان انتخابات کی دوڑ میں نگراں حکومت کا کوئی گھوڑا حصہ نہیں لے رہا ہے، ہم تمام سیاسی جماعتوں کو انتخابات میں حصہ لینے کے مساوی حقوق عطا کررہے ہیں۔
تازہ ترین صورتِ حال کے مطابق اس وقت جب ہم آپ سے باتیں کررہے ہیں بیلٹ پیپر کی چھپائی کا کام جاری ہے، پوسٹل بیلٹ بھی روانہ کیے جا رہے ہیں اور اس طرح تمام تیاریاں ہمارے لحاظ سے مکمل ہیںتاہم عام انتخابات کے روز تک ابھی بھی بہت کچھ کرنا باقی ہےلیکن ہم نے جو وعدہ کررکھا ہے اس پر عمل درآمد کے لیے تیار ہیں اور آئینی ذمہ داروی نبھانےکے لیے بھر پور طریقے سے تیار ہے۔ میں اور میری حکومت جمعرات 8 فروری 2024 کو ہونے والے انتخابات کے پُر امن، منصفانی، صاف اور شفاف ہونے پر پختہ یقین رکھتے ہیں۔
آٹھ فروری کے انتخابات کے بعد الیکشن کمیشن دو تین روز کے اندر سرکاری طور پر انتخابی نتائج کا اعلان کرے گا۔ سرکاری نتائج کا اعلان کرنے کے بعد موجودہ قومی اسمبلی کے اسپیکر)جو جانے والےہیں ( ایک دو ہفتے کے اندر اندر نئِ قومی اسمبلی کا اجلاس طلب کریں گے اور نئے ارکانِ اسمبلی حلف اٹھائیں گے اور اس کے بعد اسپیکر اور ڈپٹی اسپیکر کا انتخاب عمل میں لایا جائے گا اور اس کے فورا بعد قائد ایوان کا انتخاب ہوگا۔ قائد ایوان سے صدر پاکستان وزیراعظم پاکستان کا حلف لیں گے اور جیسے ہی وزیراعظم حلف لیں گے نگراں حکومت تحلیل ہو جائے گی اور نو منتخب وزیراعظم اپنا کابینہ تشکیل دیں گے۔