ترک میڈیا کی عمران خان پر قاتلانہ حملے اور بعد میں پریس کانفرنس کی بڑے پیمانے پر کوریج ترکیہ کے میڈیا نے پاکستان کے سابق وزیراعظم عمران خان پر قاتلانہ حملے سے متعلق اپنی خبروں کا نمایا ں طور پر شائع کیا ہے۔
ترکیہ کے تمام ہی کثیر الشاعت اخبارات اور ٹی وی چینلز نے پاکستان کے سابق وزیراعظم کی وزیر آباد میں کی جانے والی فائرنگ کی مذمت کرتے ہوئے سابق وزیراعظم عمران خان کی ہسپتال میں دیے گئے ٹی وی بیان کو نمایا ں طور پر پیش کیا ہے
اخبارات نے لکھا ہے کہ پاکستان کے سابق وزیراعظم عمران خان نے ہسپتال میں وہیل چئیر پر بیان دیتے ہوئے کہا کہ ” جب فائرنگ ہوئی تو مِری ٹانگ پر گولیاں لگنے کی وجہ سے میں زمین پر گر گیا، گولیاں میرے اوپر سے گزر گئیں، حملہ آوروں نے سوچا کہ میں مر گیا ہوں۔”
قاتلانہ حملے کے بعد عمران خان نے اپنا پہلا بیان شوکت خانم ہسپتال لاہور سے دیتے ہوئے کہا کہ “میں زندہ نہ بچتا، اگر دونوں قاتل ایک ہی وقت میں گولی چلا دیتےلیکن اللہ تعالی نے میری زندگی بچانی تھی اور بچا دی اور دشمن اپنا مقصد حاصل کرنے میں ناکام رہے ۔
پاکستان کے سابق وزیر اعظم عمران خان کو 3 اکتوبر کو وزیر آباد میں ریلی کے دوران دو افراد نے فائرنگ کرکے قتل کرنے کی کوشش کی ۔ عمران خان کو ٹانگ پر لگنے والی گولیوں اور زخمی ہونے پر انہیں ہسپتال منتقل کردیا گیا۔ ۔ جہاں کی حالت خطرے سے باہر ہے۔ اس قاتلانہ حملے کے بعد پہلی بار عوامی بیان دیتے ہوئے خان نے کہا کہ اگر دونوں قاتل ایک ہی وقت میں گولی چلا دیتے تو ان کا زندہ بچنا ممکن نہ تھا۔
عمران خان نے وہیل چیئر پر خطاب کرتے ہوئے کہا کہ ” میں خطاب کررہا تھا کہ اچانک گولیاں میرے ٹانگوں پر لگیں اور میں زمین پر گرگیا اور حملہ آوروں میں سے ایک نے سوچا کہ میں مر گیا ہوں اس لیے اس نے مزید فائر کرنے کی بجائے وہاں سے فرار ہونے کی کوشش کی۔