اہم نوٹ: اس سروئے کو جگہ دینے سے قبل اپنے قارئین کو یہ بتادیں TR-URDUغیر جانبدار ویب سائٹ ہونے کے ناتےاس ویب سائٹ پر صدر ایردوان اور ان کی اپوزیشن کو بھی مساوی طور پر جگہ دی جائے گی کیونکہ پاکستان اور پاکستان کے عوام “ریاستِ ترکیہ” اور اس کے عوام سیاست سے بالاتر دل و جان سے چاہتے ہیں ۔ ان کے لیے مملکتِ ترکیہ اور ترک عوام ہی سب کچھ ہیں ۔ اسی نظریے اور سوچ پر عمل درآمد کرتے ہوئے ٹی آر – اُردو ویب سائٹ اپنی غیر جانبداری کی پالیسی جاری رکھے گی اور ترکیہ کی تمام سیاسی جماعتوں کی خبروں کو بلا امتیاز جگہ دے گی۔
ٹی آر- اُردو اس وقت تجرباتی طور پر اپنی خبروں کا سلسلہ شروع کرچکی ہے اور جلد ہی اس ویب سائٹ کی لانچنگ تقریب کا اہتمام کیا جائے گا جس کے بعد اس ویب سائٹ سے با قاعدگی سے خبروں کا سلسلہ شروع ہو جائے گا۔
ترکیہ میں جون 2023ء کے صدارتی اور پارلیمانی انتخابات کی تیاریوں کا سلسلہ ابھی ہی سے شروع ہوگیا ہے اور وقت کے ساتھ ساتھ اس کی گہما گہمی میں مسلسل اضافہ ہوتا جا رہا ہے۔ اس سلسلے میں مختلف سیاسی جماعتوں کے درمیان گٹھ جوڑ کا سلسلہ بھی جاری ہے۔
اس وقت تک ترکیہ میں صدارتی اور پارلیمانی انتخابات میں حصہ لینے کے لیے دو اتحاد جن میں صدر ایردوان کا ” جمہور اتحاد” اور ان کے خلاف چھ جماعتوں کا ” ملت اتحاد” برسر پیکار ہیں۔
گزشتہ دنوں ترکیہ کی ایک سروئے کمپنی اے ایل ایف نے 14 سے 17 نومبر کو ترکیہ کے 41 صوبوں میں سروئے کروایا جس میں 2 ہزار 150 افراد نے حصہ لیا۔
اس سروئے کے مطابق اس وقت موجود صدر ایردوان کے اتحاد ” جمہور اتحاد” اور ان کے مخالفین کے اتحاد” ملت اتحاد” کے ووٹوں کی شرح کچھ یوں ہے۔
یاد رہے یہ سروئے صدر ایردوان کے مخالفین کی حمایتی سروئے کمپنی ALFریسرچ کمپنی نے کروایا ہے۔
صدر ایردوان کا “جمہوراتحاد” : 36.1 فیصد
صدر ایردوان کے مخالفین کا اتحاد” ملت اتحاد” : 41.4 فیصد
اتحاد کے علاقہ تمام سیاسی جماعتوں کو حاصل ہونے والے ووٹوں کی شرح کچھ یوں ہے۔
جسٹس اینڈ ڈولپمینٹ پارٹی (آق پارٹی): 29:4 فیصد
ری پبلیکن پیپلز پارٹی (CHP)28:0 فیصد
گڈ پارٹی (İYİ) پارٹی: 13.1 فیصد
پیپلز ڈیمو کریٹک پارٹی (HDP ) 8:3 فیصد
نیشنلسٹ موومنٹ پارٹی (MHP) 6:7 فیصد
ظفر پارٹی: 2.5 فیصد
دیوا پارٹی: 2.4 فیصد
فیوچر پارٹی: 2:2 فیصد
مملکت پارٹی 1: 2 فیصد
سعادت پارٹی : 1:5 فیصد
ترکی چینج پارٹی: 2.1 فیصد
‘دیگر’ پارٹیوں کے ووٹ کی شرح: 1.3 فیصد
ترکیہ میں ہر ماہ مختلف سروئے کروانے والے کمپنیوں کے ان نتائج کے بعد ہی تمام سیاسی جماعتوں کی صورتِ حال ابھر کر سامنے آجاتی ہے ۔
اس سروئے کا ویب سائٹ سے کسی قسم کا کوئی تعلق نہیں ہے صرف مقصد پاکستان کے عوام کو ترکیہ کی موجودہ صورتِ حال میں اپوزیشن اور بر سر اقتدار دونوں اتحاد یا پھر تمام سیاسی جماعتوں کے بارے میں غیر جانبدار رہتے ہوئے آگاہی فراہم کرنا ہے۔