صدر ایردوان کے خلاف قائم کردہ چھ جماعتوں کے اتحاد نے متفقہ طور پر ری پبلیکن پیپلز پارٹی کے چئیرمین کمال کلیچدار اولو کواپنا صدارتی امیدوار قررا دے دیا ہے۔
اپنی امیدواری کے اعلان کے بعد کمال کلیچدار اولو نے نے اعلان کیا ہے کہ اتحاد میں شامل دیگر جماعتوں کے رہنما نائب صدر کے طور پر فرائض ادا کریں گے۔
ملت اتحاد میں شامل ری پبلیکن پیپلز پارٹی، گڈ پارٹی، دیوا پارٹی، فیوچر پارٹی، سعادت پارٹی اور ڈیموکریٹ پارٹی نے قومی اتحاد کی چھتری تلے اپنے صدارتی امیدوار کے نام کا اعلان کردیا ہے۔
جمعہ کے روز پیدا ہونے والے ملت اتحاد کے سیاسی بحران کے بعد آج ملت اتحاد کے رہنماؤں کا آغاز دوپہر دو بجے شروع ہونا تھا لیکن گڈ پارٹی کی چئیر پرسن میرال آق شینیر کے دوبارہ سے اتحاد میں شامل ہونے کے فیصلے کے انتظار کی وجہ سے تقریباً 2 گھنٹے کے لیے ملتوی کر دیا گیا۔
گزشتہ جمعہ کے روز پیدا ہونے والے سیاسی بحران پر قابو پانے کے لیے ایک نیا فارمولہ تلاش کیا گیا۔ اس تناظر میں، انقرہ میٹروپولیٹن
کے میئر منصور یاواش اور استنبول میٹروپولیٹن کے میئر اکرم امام اولو کو نائب صدر بننے کی پیشکش کی گئی جسے ری پبلیکن پیپلز پارٹی کے چئیرمین کمال کلیچدار اولو کی منظوری کے بعد گڈ پارٹی نے اجلاس میں شرکت کی حامی بھر لی تھی اور یہ اجلاس 5 گھنٹے جاری رہا۔
امیدوار بنائے جانے کا باضابطہ اعلان
ملت اتحاد نے اپنے صدارتی امیدوار کا اعلان سعادت پارٹی کے مرکزی دفتر کے سامنے کیا گیا۔
ملت اتحاد کے چھ رہنماوں نے مشترکہ طور پر دستخط کرنے کے بعد سعادت پارٹی کے مرکزی دفتر کی عمارت کے سامنے جمع عوام کے سامنے اپنے صدارتی امیدوار کے نام کا اعلان کیا۔
کلیچدار اولو کا صدارتی امیدوار بننے کے بعد پہلا خطاب
کمال کلیچدار اولو نے ترکیہ کے عوامی شاعر یونس ایمرے کے قول کو پیش کرتے ہوئے کہا کہ بانٹنے سے سب کا پیٹ بھرتا ہے جبکہ الگ ہونے سے سب کچھ ختم ہو جاتا ہے۔ ہم ترکیہ کے تمام رنگوں کی قوس و قزاح میں اپنے آپ کو ڈھالتے ہو ئے آگے بڑھنا چاہتے ہیں ۔ یہ دستر خوان حضرت خلیل ابراہیم کا دستر خوان ہے جس سب کے لیے باعث ِ برکت ہے۔
یہ دسترخوان ، امن اور بھائی چارے کا دستر خوان ہے ۔ اللہ کے فضل و کرم سے ہم کامیابی حاصل کریں گے۔ ہم ” ملت اتحاد” ہونے کے ناتے ترکیہ کا نظم و نسق آپس کے صلاح و مشورے اور مفاہمت سے چلائیں گے۔
ملت اتحاد میں شامل تمام جماعتوں کے رہنما نائب صدور کے طور پر فرائض ادا کریں گے۔
*ہمارا دسترخوان امن اور بھائی چارے کا دسترخوان ہے۔ خدا کی مدد سے، ہم مل کر اسے حاصل کریں گے۔ قومی اتحاد کے طور پر ہم مشاورت اور اتفاق رائے سے ترکی پر حکومت کریں گے۔
اکرم امام اولو اور منصور یاواش
کمال کلیچدار اولو نے اپنے خطاب کے بعد “مضبوط پارلیمانی نظام” کے عبوری دور سے متعلق تحریری بیان جاری کیا گیا ہے ۔
ملت اتحاد کے سیاسی بحران پر قابو پانے میں مددگار ہونے والے منصور یاواش اولو اور اکرم امام اولو کے نائب صودر سے متعلق تفصیلات کو جاری کردہ دستاویزات کی شق نمبر 12 میں ذکر کیا گیا ہے۔ جس کے مطابق انقرہ اور استنبول کے مئیر کو بوقتِ ضرورت اور تفویض کردہ اختیارات کے مطابق نائب صدر کے اختیارات سونپیں جائیں گے ۔