صدر ایردوان نےآج قومی اسمبلی میں پارٹی کے گروپ اجلاس سے خطاب کرتے ہوئے سرکاری ملازمین کی تنخواہوں میں قابلِ قدر اضافہ کرنے کی خوشخبری سنائی ہے۔
صدر ایردوان نے خطاب کرتے ہوئے کہا کہ مجھے ترکیہ کی قومی اسمبلی کی 28ویں قانون سازی کی مدت کے اس پہلے گروپ اجلاس میں آپکو دیکھ کر دلی خوشی ہوئی ہے۔
انہوں نے پارلیمنٹ میں نئی قانون سازی ، ملک و قوم کی بہتری اور جمہوریت کے فروغ کی تمنا ظاہر کی ہے۔
انہوں نے اس موقع پر کہا کہ وہ اپنے ان تمام بہن بھائیوں کو مبارکباد پیش کرتے ہیں جنہوں نے 14 مئی کو جسٹس اینڈ ڈولپمینٹ پارٹی کے اراکان کاانتخاب کیا۔ انہوں نے 14 مئی اور 28 مئی کے انتخابات کو ایک شاندار فتح قرار دیتے ہوئے کہا کہ قوم اس فتح کو ہمیشہ یاد رکھے گی۔
85 ملین افراد کو خوشخبری سنانے کا سلسلہ جاری رکھیں گے
صدر ایردوان نے کہا کہ ہم نے مخالفین کے تمام دعوے غلط ثابت کردیے ۔ ہم نے شرافت پر سمجھوتہ کیے بغیر اپنی کوششوں سے خوف، گالی اور جھوٹ پر مبنی مخالفین کی پالیسی کو ناکام بنادیا ہے۔ وہ جسلوں اور جلوسوں میں کھوکت پاپولزم کی دلدل میں دھنس رہے تھے تو ہم اپنے کام اور خدمت اور کیے گئے وعدوں کو پورا کرتے ہوئے قوم کے رو برو پیش ہوئے۔ ہم نے قوم کے سامنے اپنے منصوبے پیش کئے۔ ہم نے ترکی کے لیے اپنے اہداف کا اعلان کیا۔ ہم نے اپنے معاشرے کے تمام طبقات کے لیے اپنے منصوبے شیئر کیے ہیں۔ ہم نے کہا کہ انفراسٹرکچر سے لے کر سپر اسٹرکچر حاصل کرنے تک اپنا کام جاری رکھیں گے۔ اپنی انتخابی مہم کے دوران بھی ہم 85 ملین لوگوں کو نئی خوشخبری دیتے رہے۔
اصغری (کم از کم )اجرت11٫402 ترکش لیرا
ہم نے ریٹائر افراد سے لے کر نئی نوجوان نسل تک، معاشرے کےتمام طبقات کو خوشخبریا سنانے کا سلسلہ جاری رکھا ہوا ہے۔ کم از کم اجرت کے تعین کمیشن کے مذاکرات کے نتیجہ میں گزشتہ روز طے پانے والے سمجھوتے کے نتیجے میں 2023 کی دوسری ششماہی میں، ہم نے مجموعی کم از کم اجرت کو 13 ہزار 414 لیرا اور خالص کم از کم اجرت کو 11 ہزار 402 لیرا تک بڑھا دی ہے۔ اس طرح ہم نے 34 فیصد کی شرح سےکم از کم اجرت میں اضافہ کیا ہے۔ پچھلے سال کی دوسری ششماہی کے مقابلے میں، ہم نے کم از کم اجرت میں 107 فیصد اضافہ کیا۔ آخری اعداد و شمار کے ساتھ، کم از کم اجرت میں 2002 کے مقابلے میں حقیقی معنوں میں 312 فیصد اضافہ ہوا ہے ۔ صدر ایردوان نے ہم نے قوم سے وعدہ کیا تھا کہ مہنگائی کا ظلم سے آپ کو بچائیں گے اور مہنگائی کی شرح سے زیادہ اجرتوں میں اضافہ کیا ہے اور اس بات کو بھی یقینی بنائیں گے کہ سرکاری ملازمین فلاح و بہبود میں اضافے سے مستفید ہوں۔
انہوں نے کہا کہ عید الاضحی کے موقع پریہ اجرت ان کے لیے خوشیوں کو دوبالا کرنے کا موقع فراہم کرے گی۔
سرکاری ملازمین کے کم از کم تنخواہ؟
ہم نے سرکاری ملازمین کی تنخواہوں میں اضافہ کرنے سے متعلق اپنی انتخابی مہم کے دوران جو وعدے کیے تھے انشاللہ ان کو بھی پورا کریں گے تاکہ تمام 85 ملین افراد کو ترکیہ کی بڑھتی ہوئی خوشحالی اور ترقی پذیر معیشت سے وہ بھی استفادہ کریں جس کے وہ مستحق ہیں۔ ہم نے نائب صدر، وزارت خزانہ اور مالیات اور اپنے مرکزی بینک کے درمیان رابطہ قائم کیا۔ ہم نے ایک مضبوط، ہم آہنگ، قابل ٹیم بنائی ہے جو سرکاری ملازمین کا خصوصی خیال رکھے ہوئے ہے۔
سرکاری ملازمین کی کم از کم تنخواہ22 ہزار ترکش لیرا
وزیر محنت اور سماجی تحفظ ویدات اشک حان نے بیان دیتے ہوئے کہا ہے کہ ہم سرکاری ملازمین اور پنشنرز کی تنخواہوں میں اضافے کے لیے قانون سازی کررہے ہیں اور جلد ہی اس سے متعلق بل پارلیمنٹ میں منظوری کے لیے پیش کردیا جائے گا۔ انہوں نے کہا کہ سرکاری ملازمین کی سب سے کم تنخواہ خالص 22 ہزار ترکش لیرا ہوگی۔ ہم اس سلسلے میں ایسا بل تیار کررہے ہیں جو ہمارے اسٹیک ہولڈرز کو مطمئن کرےاور ہمارے سکاری ملازمین مہنگائی سے نہ کچلے جائیں اور اس سلسلے میں ماہ جولائی میں بل کو پارلیمنٹ سے منظور کروالیا جائے گا۔