اک ترک دوستی کو مضبوط کرنے کے لیے ابن سینا کے تحت سائنس ،ثقافت اور صحت کے منصوبے شروع کررہے ہیں۔ڈاکٹر کمال ایدن
بن سینا سائنس کونسل کے تحت اور امام خطیب ایسوسی ایشن انقرہ کے اشتراک سے Önder Ankara میں ایک کانفرنس اور طبی نمائش کا اہتمام کیا گیا ۔
Önder Ankara
میں منعقد اس تقریب میں شرکاء کو ابن سینا کی ترکیہ اور اسلامی و یورپی دنیا میں اہمیت کے بارے میں ڈاکٹر کمال ایدن نے بریفننگ دی اور کہا کہ وہ اس سال کو ابنِ سینا سائنس ،ثقافت اور صحت کے سال کے طور پر منا رہے ہیں اور وہ اس سلسلے میں ترک پاک کلچرل نمائش کا انعقاد کریں گے تاکہ دونوں ممالک کے لوگ ایک دوسرے کے قریب آسکیں اور پاک ترک دوستی کا رشتہ مذید مظبوط ہوسکے۔
اس موقع پر انہوں نے پاک ترک فورم کی ویمن ونگ کی رہنما شبانہ ایاز اور ان کی ٹیم کو صحت،ثقافت اور سائنس کے شعبے میں ہونے والے کام کی تفصیلات بتائیں۔
بعد ازاں ابن سینا کی ہزار سالہ کاوشوں کی تصویری نمائش کا بھی افتتاح کیا گیا ۔