صدر رجب طیب ایردوان اور ان کے ہمراہی وفد نے 30 اگست یوم ظفر (فتح ) ترکیہ کے موقع پر اتاترک کے مزار پر حاضری دی۔
عظیم فتح کی 101 ویں سالگرہ کی تقریبات کے دائرہ کار میں پہلی تقریب مزارِ اتاترک پر منعقد ہوئی ۔
تقریب کا آغاز اعلیٰ حکام کے مزارِ اتارک کی جانب مارچ سے ہوا ۔
اتاترک کے مزار پر منعقد تقریب میں صدر رجب طیب ایردوان کے علاوہ ترکیہ کی گرینڈ نیشنل اسمبلی کے سپیکر نعمان قرتولموس، نائب صدرجودت یلماز، CHP کے چیئرمین کمال کلیچدار اولو، ایم ایچ پی کے چیئرمین دولت باہچےلی ، آئی وائی آئی پارٹی کی چئیر پرسن میرا ل آق شینر ، وزراء اور فورسز کمانڈرز نے شرکت کی۔
ایردوان نے اتاترک کے مزار پر ستارے اور ہلال کے نقش کے ساتھ پھولوں کی چادر چڑھائی۔ کچھ دیر کی احتراماً خاموشی کے بعد قومی ترانہ بجایا گیا ۔ صدر ایردوان اور پروٹوکول میں شامل اعلیٰ حکام بعد میں میثاقِ ملی ٹاور پہنچے ۔
ایردوان نے اتاترک کے مزار پر ستارے اور ہلال کے نقش کے ساتھ پھولوں کی چادر چڑھائی۔
صدر ایردوان نے یہاں رکھی گئی وزٹنگ بک میں اپنے تاثرات قلمبند کرتے ہوئے لکھا کہ
محترم اتاترک، ہمیں عظیم فتح کی 101 ویں سالگرہ منانے پر فخر ہے، جسے آپ ترک قوم کی آزادی کے تصور کی لافانی یادگار کے طور پر بیان کرتے تھے۔ آج، جو ہماری شاندار تاریخ کے اہم موڑ میں سے ایک ہے، ہم آپ کے ساتھیوں، عظیم الشان قومی اسمبلی کے معزز اراکین اور اولیاء اللہ کو خراج عقیدت پیش کرتے ہیں، ہم اپنے شہداء کی مغفرت کی دعا کرتے ہیں، ہم ترکیہ کی صدی کے اپنے وژن کو عملی جامہ پہنا رہے ہیں، جو ہمارے ترقی کی علامت بن گیا ہے۔ہم عصری تہذیبوں کے معیار پر اترتے ہوئے بڑے عزم اور حوصلے، ریاست اور قوم کےشانہ بشانہ آگے بڑھتے رہیں گے۔ ہم اس وقت تک دن رات کام کرتے رہیں گے جب تک کہ ہم اپنے ملک کے مقاصد کو اپنی قوم کے صدیوں پرانے خوابوں کے تکمیل نہیں کر لیتے۔ اللہ آپ کی روح کو سلامت رکھے۔”
بعد میں صدر رجب طیب ایردوان نے صدارتی کمپلیکس میں مبارکبادیں وصول کیں ۔
مبارکباد وصول کرنے کی تقریب میں صدارتی گارڈ رجمنٹ بینڈ نےترانوں کی دھن پیش کی۔ صدارتی کمپلیکس کی مرکزی عمارت کے داخلی دروازے پر منعقدہ تقریب میں ترکیہ کی گرینڈ نیشنل اسمبلی کے اسپیکر نعمان قرتولموس، نائب صدر جودت یلماز، آئینی عدالت کےسربراہ زوہتو ارسلان، کابینہ کے ارکان، ایم ایچ پی کے چیئرمیندولت باہچے لی ، چیف آف جنرل اسٹاف جنرل متین گیوراک، فورسز کمانڈرز، ترک گرینڈ نیشنل کے اراکین اسمبلی، سرکاری اداروں کے حکام، غیر ملکی مشن کے سربراہان اور بین الاقوامی تنظیموں کے نمائندوں نے صدر ایردوان کو مبارکباد پیش کی۔