کابینہ کے اجلاس کے بعد صدر ایردوان نے پریس سے خطاب کرتے ہوئے کہا ہے کہ ہم اپنے اتحادی جماعتوں کے رہنماوں سے مشاورت کرتے ہوئے ترکیہ کو فوجی آئین سے نجات دلواتے ہوئے ڈیموکریسی کے شایانِ شان سول آئین تیار کریں گے۔
انہوں نے ملک میں بڑھتی ہوئی مہنگائی کا ذکر کرتے ہوئے کہا کہ یہ مسئلہ معاشی نہیں بلکہ نفسیاتی مسئلہ ہے۔
کابینہ کے اجلاس میں صدر پوتن کے ساتھ ہونے والے مذاکرات کا تمام پہلووں سے جائزہ لیا گیا ہے اور ترکیہ اسی کے مطابق آئندہ اقدامات اٹھائے گا۔
صدر ایردوان جی-20 اجلاس میں شرکت کے لیے بھارت کا دورہ کریں گے
کابینہ کے اجلاس میں صدر ایردوان کی ماہ ستمبر میں بھاری سفارتی ٹریفک بھی ایجنڈے کے اہم موضوعات میں سے ایک تھا۔ صدر ایردوان 9تا10 ستمبر کوبھارت میں جی 20 سربراہی اجلاس میں شرکت کریں گے۔ اس کے بعد وہ 17تا 21 ستمبر کو اقوام متحدہ کی جنرل اسمبلی کے اجلاس میں شرکت کے لیے امریکہ روانہ ہوں گے۔ صدر ایردوان امریکہ میں اپنے قیام کے دوران بین الاقوامی اجلاسوں میں عالمی رہنماوں سے بھی ملاقات کریں گے۔
معیشت پر غور
کابینہ کے اجلاس میں درمیانی مدت کے پروگرام پر غور کیا گیا۔ ترکیہ اقتصادیات کے تین سالہ روڈ میپ وضح کرنے کے لیے پروگرام کو حتمی شکل دیے جانے سے آگاہ کرتے ہوئے صدر ایردوان نے کہا کہ پروگرام کے ذریعے درمیانی مدت کے تخمینوں کا تعین کیا جائے گا اور ساختی اصلاحات کے اقدامات کا اعلان کیا جائے گا۔ اجلاس میں پروگرام کا حتمی جائزہ لیا گیا۔
نئے سول آئین کی تیاری کے بارے میں بیان
صدر ایردوان نے کہا کہ عدالتی سال کی افتتاحی تقریب میں، ہم نے اپنے ملک کے نظام عدل میں اب تک اٹھائے جانے والے اقدامات کی یاددہانی کرواتے ہوئے نئے آئین کی تیاری کے بارے میں اپنی اپیل کو دہرایا ہے۔ نئے عدالتی سال میں ہم اپنے تمام شہریوں کو انصاف تک رسائی کی سہولت فراہم کرتے رہیں گے۔ کہ ہم اپنے اتحادی جماعتوں کے رہنماوں سے مشاورت کرتے ہوئے ترکیہ کو فوجی آئین سے نجات دلواتے ہوئے ڈیموکریسی کے شایانِ شان سول آئین تیار کریں گے ۔
مہنگائی کی روک تھام کے لیے جدو جہد
سوشل میڈیا سے متاثر ہو کرمہنگائی کے ٹرینڈ میں جان بوجھ کر اضافہ کیا جا رہا ہے۔ مہنگائی کی روک تھام کے لیے اٹھائے جانے والے اقدامات کی راہ میں سب سے بڑی رکاوٹ سوشل میڈیا پر مہنگائی کو بڑھا چڑھا کر پیش کرنا ہے۔ سالانہ افراط زر میں ہونے والا اضافہ ہمیں اس روک تھام کے لیے مزید سخت اقدامات کرنے کا تقاضا کرتا ہے۔
صدر ایردوان نے کہا کہ یہ ایک طویل اور صبر آزما عمل ہے۔ ہمیں دل سے یقین ہے کہ ہم اللہ کے حکم سے مہنگائی کو گھٹنے ٹیکنے پر مجبور کردیں گے۔
جب ہم اپنے ملک میں روز مرہ کی زندگی میں بڑھتی ہوئی مہنگائی کی وجوہات پر نظر ڈالتے ہیں توہمیں پتہ چلتا ہے کہ خام مال، دالیں، توانائی، مزدوری، اور کرایہ جیسے عوامل سامنے آتے ہیں۔ زر مبادلہ کی شرح اور افراط زر بھی قیمتوں کو براہ راست متاثر کررہے ہیں۔ ملازمین کی اجرتوں میں جیسے ہی اضافہ ہوتا ہے ، اس سے پہلے تمام پروڈکٹس اور سروس میں کئی گنا زیادہ اضافہ دیکھا جاتا ہے۔ تیل کی قیمتوں میں ہونے والا ہر اضافہ لیبل پر منتقل ہو جاتا ہے لیکن قیمت میں کمی کو نظر انداز کر دیا جاتا ہے۔