صدر رجب طیب ایردوان نے حماس کے پولیٹیکل بیورو کے چیئرمین اسماعیل ہانیہ سے ٹیلیفون پر بات چیت کی۔
صدر ایردوان نے اسرائیلی حملے میں ان کے تین بیٹوں اور تین
پوتے پوتیوں کی شہادت پر تعزیت کا اظہار کیا۔
اسرائیل نے حماس کے پولیٹیکل بیورو کے سربراہ اسماعیل ہانیہ کے خاندان کے کئی افراد پر مشتمل ایک گاڑی کو نشانہ بنایا، جو الشاطی پناہ گزین کیمپ کے مکینوں اور ان کے رشتہ داروں کے ساتھ عید الفطر منانے جا رہے تھے۔
بتایا گیا ہے کہ گاڑی میں سوار ہانیہ کے خاندان کے سبھی افراد اس حملے میں زخمی ہوئے یا اپنی جان سے ہاتھ دھو بیٹھے۔
ہانیہ کے بیٹے حازم، امیر اور محمد اور ان کے تین پوتے،ہوتیاں بھی اس حملے میں جان سے ہاتھ دھو بیٹھے۔
ڈائریکٹوریٹ آف کمیونیکیشن کی طرف سے جاری کردہ بیان کے مطابق صدر رجب طیب ایردوان نے حماس کے پولیٹیکل بیورو کے چیئرمین ہانیہ سے ان کے تین بیٹوں اور تین پوتے پوتیوں کے اسرائیلی حملے میں شہید ہونے پر تعزیت کا اظہار کیا۔
ایردوان نے کہا کہ اسرائیل کو قانون کے سامنے انسانیت کے خلاف جرائم کا جوابدہ ضرور ٹھہرایا جائے گا۔
ہانیہ نے فلسطینی عوام کے ساتھ کھڑے ہونے پر ایردوان کا شکریہ ادا کیا اور کہا کہ ہم ترکیہ میں اور ترکیہ سے باہر غزہ کا مقدمہ لڑنے کے لیے آپ کا شکریہ ادا کرتے ہیں۔
حماس کے رہنما نے کہا کہ
“میں اپنے بچوں کی شہادت پر اللہ کا شکر ادا کرتا ہوں کہ میرے بچے غزہ میں رہے اور غزہ نہیں چھوڑا۔ ہمارے تمام لوگ بہت بڑی قیمت ادا کر رہے ہیں اور میں ان میں سے ایک ہوں۔
’’میرے بچوں نے بیت المقدس اور مسجد اقصیٰ کی آزادی کے لیے اپنی جانیں قربان کیں‘‘
اس سے پیلے میرے خاندان کے تقریباً 60 افراد شہید ہو چکے ہیں۔
میرے بیٹوں کا خون غزہ میں ہمارے شہید لوگوں کے خون سے زیادہ قیمتی نہیں ہے۔
جنگ میں ہمارے لوگوں اور فلسطین کی عوام میں کوئی فرق نہیں ہے۔ہانیہ نے اس عزم کا اعادہ کیا کہ۔۔۔
چاہے ہمارا نقصان کتنا ہی زیادہ کیوں نہ ہو ہم اسرائیل کی بلیک میلنگ کے سامنے نہیں جھکیں گے۔۔
