ترکیہ کی طرف سے اسرائیل سے برآمدات اور درآمدات کے لین دین کو روک دیا گیا ہے، جس میں تمام مصنوعات شامل ہیں۔ ترکیہ ان نئے اقدامات پر سختی اور فیصلہ کن طور پر اس وقت تک عمل درآمد کرے گا جب تک کہ اسرائیلی حکومت غزہ کو انسانی امداد کے بلا تعطل ترسیل کی اجازت نہیں دیتی۔
اسرائیل کے ساتھ برآمدی لین دین کو محدود کرنے کے فیصلے کا اعلان 9 اپریل کو کیا گیا تھا، 
وزارت تجارت نے اپنے نئے بیان میں اعلان کیا ہے کہ اسرائیل کے ساتھ ہر قسم کی برآمدات اور درآمدات کے لین دین کو روک دیا گیا ہے۔
اسرائیلی میڈیا نے تلخ اعتراف کرتے ہوئے لکھا کہ ترکیہ کے اس اقدام کے اسرائیلی معیشت پر سنگین نتائج ہوں گے۔
اپنے آفیشل سوشل میڈیا اکاؤنٹ پر ترکیہ کی جانب سے کیے گئے اس اہم فیصلے پر ردعمل دیتے ہوئے اسرائیلی وزیر خارجہ اسرائیل کاٹز نے ترکیہ اور صدر ایردوان کے بارے میں تضحیک آمیز بیانات دیے۔
ترکیہ پر تجارتی معاہدوں کی خلاف ورزی کا الزام لگاتے ہوئے کاٹز نے کہا کہ انہوں نے اسرائیلی وزارت خارجہ کو ہدایت کی ہے کہ وہ ‘مقامی پیداوار اور دوسرے ممالک سے درآمدات’ پر توجہ دے کر تجارت میں ترکیہ کا متبادل تلاش کرے۔
ترکیہ کی وزارت تجارت نے تجارت ختم کرنے کے اعلان کے بعد بیان دیا کہ
“ہمارے ملک نے پہلے دن سے فلسطینی بھائیوں کا ساتھ دیا ہے اسرائیل کے حملوں کے نتیجے میں اب تک 35 ہزار سے زائد شہری اپنی جانوں سے ہاتھ دھو بیٹھے ہیں اور 78 ہزار فلسطینی شہری زخمی ہوچکے ہیں، ’’7 اکتوبر 2023 سے ترکیہ تنازعات کو روکنے، انسانی نقصان اور جسمانی تباہی کو روکنے، مستقل جنگ بندی کو یقینی بنانے اور دو ریاستی حل کے حصول کے لیے پرعزم ہے۔
ہمارے ملک نے اعلیٰ سطح پر اقدامات کیے ہیں۔ ہم نے غزہ کے لوگوں کی مدد کے لیے دسیوں ہزار ٹن انسانی امداد، خاص طور پر خوراک، صحت اور طبی امدادی سامان، بحری جہازوں اور طیاروں کے ذریعے خطے میں پہنچایا، اور ہزاروں مریضوں کو نکالا۔”
اور اب فلسطینی بھائیوں کی خاطر اسرائیل کے ساتھ تجارت کو روک دیا گیا ہے ۔
بشمول تمام مصنوعات کے۔
بیان میں کہا گیا ہے کہ اسرائیل کی حکومت نے بین الاقوامی جنگ بندی کی کوششوں کا جواب نہیں دیا اور انسانی امداد کو روکا،
ترکیہ نے پہلے
9 اپریل 2024 کو اسرائیل کی 54 پروڈکٹس کی برآمد پر پابندی لگا دی تھی، اس پابندی کے بعد اسرائیل نے فوری طور پر جنگ بندی کا اعلان کیا لیکن اس اعلان پر عملدرآمد نہیں کیا۔۔
وزارت تجارت نے اس بات پر زور دیا گیا ہے کہ تجارت پر پابندی اس وقت تک نافذ العمل رہے گی جب تک کہ غزہ میں انسانی امداد کی بلا تعطل ترسیل شروع نہیں ہو جاتی۔اور جنگ بندی نہیں ہو جاتی ۔
جمہوریہ ترکیہ ہمارے فلسطینی بھائیوں کے منصفانہ جدوجہد کی حمایت جاری رکھے گا، جیسا کہ اس نے ہمیشہ کیا ہے۔