ترقی پذیر آٹھ ممالک کی تنظیم (ڈی-8) کے سیکریٹریٹ میں اسلامی ترقیاتی بینک کے رکن ممالک کے قومی ترقیاتی مالیاتی اداروں کی تنظیم (ADFIMI) کے سیکریٹری جنرل جناب الہامی اوزترک کا ڈی-8 سیکریٹریٹ میں عزت مآب سیکرٹری جنرل سہیل محمود نے خیرمقدم کیا ۔
اس موقع پر ڈی-8 سیکریٹریٹ اور اے ڈی ایف آئی ایم آئی کے مابین تفصیلی ملاقات ہوئی، جس میں اسلامی ترقیاتی بینک کے رکن ممالک میں قومی ترقیاتی مالیاتی اداروں کو یکجا کرنے والے ایک مؤثر اور باہمی تعاون پر مبنی پلیٹ فارم کے طور پر اے ڈی ایف آئی ایم آئی کے کردار اور خدمات پر سیر حاصل تبادلۂ خیال کیا گیا۔
ملاقات کے دوران اس بات پر اتفاق کیا گیا کہ ڈی-8 اور اے ڈی ایف آئی ایم آئی کے درمیان منظم اور ادارہ جاتی تعاون کو مزید فروغ دیا جائے گا، خصوصاً ترقیاتی مالیات، استعداد سازی (Capacity Building)، چھوٹے اور درمیانے درجے کے کاروباروں (SMEs) کی معاونت، اور حلال معیشت سے متعلق مشترکہ اقدامات کے شعبوں میں عملی شراکت داری کو وسعت دی جائے گی۔
دونوں فریقین نے اس عزم کا اظہار کیا کہ باہمی تعاون کے ذریعے رکن ممالک کی پائیدار معاشی ترقی، مالی شمولیت اور ادارہ جاتی صلاحیتوں میں بہتری کے لیے مشترکہ اہداف کے حصول کو یقینی بنایا جائے گا۔