یہ سات جون 1962 کی بات ہے، پاکستان کے پانچ نوجوان سائنسدانوں کا ایک گروہ ڈاکٹر عبدالسلام کے ہمراہ بلوچستان کے ساحلی علاقے سونمیانی میں جمع ہو کر پاکستان کے پہلے راکٹ ” رہبرون” کو کامیابی سے خلاء کے لیے روانہ کیا۔
اس لانچ کے ساتھ ہی پاکستان مسلم دنیا سمیت جنوبی ایشیا کی وہ پہلی قوت بنا جس نے کامیابی سے خلائی تجربہ سرانجام دیا۔
اور اس کے بعد یہ رہبر آنے والے مستقبل کا صرف رہبرخوابوں ہی میں رہبر رہا، بعد میں پاکستان کی تمام حکومتوں نے اس شعبے کو فراموش ہی کردیا۔
دوسری عالمی جنگ کے بعد اب سپر قوتوں کی نطریں زمین کے بجائے خلا کی جانب منتقل ہوگئیں۔
روس اور امریکہ ایک دوسرے کو خلائی دوڑ میں نیچا دکھانے کے درپے ہیں۔ امریکہ حیران ہے کہ روس نے خلا میں پہلا انسان پہنچانے میں سبقت کیسے حاصل کر لی؟
سنہ 1961 میں جب پاکستان کے اُس وقت کے فوجی حکمران جنرل ایوب خان امریکہ کے دورے پر تھے تو اُن کے سائنسی مشیرِ اعلیٰ، نوبیل انعام یافتہ ڈاکٹر عبدالسلام بھی اُن کے ہمراہ تھےتو اسی دوران ناسا نے پاکستان کو خلائی ٹیکنولوجی منتقل کرنے کا فیصلہ کیا کیونکہ اس وقت پاکستان دنیا میں بڑی سرعت سے ترقی کرنے والا واحد اسلامی ملک تھا۔
پاکستان نے امریکہ خلائی ٹیکنولوجی اپنے ممالک میں متعارف کرواتے ہوئے نو ماہ کے اندر اندر راکٹ تیار کرکے دنیا کو حیران کردیاجبکہ انڈیا خلائی ٹیکنولوجی میں پاکستان سے بہت پیچھے تھا اور اس نے پاکستان سے متاثر ہو کر 15 ماہ بعد نومبر 1963 میں خلاء میں اپنا راکٹ بھیجا ۔
رہبر ون راکٹ تین مرحلوں پر مشتمل راکٹ تھا اور ہر مرحلے کی کامیاب تکمیل کے بعد ٹیم کو خوشی بھی ہوتی اور اضطراب بھی کہ اگلا مرحلہ کیسا رہے گا، مگر یہ تجربہ کامیاب رہا۔
پاکستانی سائنسدانوں نے دن رات بلوچستان کی چلچلاتی گرمی میں کام کیا کیونکہ ہر کسی کے سر پر بس ایک ہی دھن سوار تھی کہ پاکستانی راکٹ تجربے کو کامیاب بنانا ہےاور انہوں نے نو ماہ کے اندر اندر یہ کامیابی حاصل کیاور دنیا میں پاکستان کا نام روشن کیا اور پاکستان خلائی ٹیکنولوجی میں دنیا کا تیسرا بڑا ملک بن گیا۔
یہ تھا ماضی کا عظیم پاکستان اور آج ہم کہاں کھڑے ہیں ؟