ترکیہ نے ڈپلومیٹک نیٹ ورک میں چین اور امریکہ کے سوا دنیا کے تمام ہی ممالک کو اپنے پیچھے چھوڑ دیا
ترکیہ اپنی سفارتکاری کے بدولت ترکیہ نے دنیا میں ایک ایسا امیج قائم کیا ہے جس سے ، اس کےدوست اور برادر ممالک ہی نہیں بلکہ دشمن ممالک بھی اس کی سفارتکاری سے بڑے متاثردکھائی دیتے ہیں ۔ ترکیہ نے نیٹو کا رکن ملک ہو نے کے باوجود جس طریقے سے روس کے ساتھ قریبی تعلقات قائم کررکھے ہیں اس پر اگرچہ امریکہ تلملاتا ہوا تو نظر آتا ہے لیکن وہ ترکیہ کو کسی بھی صورت کھونا نہیں چاہتا ہے اور یہی وجہ ہے کہ امریکہ نےترکیہ کے روس سے S-400میزائیل حاصل کرنے کے باوجود مجبور ہو کر اور پست قدمی سے کام لیتے ہوئے ترکیہ کو ایف سولہ طیاروں کو فراہم کرنے کی آخر کار حامی بھر ہی لی ہے۔امریکی سینٹ میں پیش کردہ ترکیہ کو F-16 طیاروں کی فروخت روکنے کے بل کو 13 کے مقابلے میں 79 ووٹوں سے یعنی بڑے واضح مارجن سے مسترد کر دیا گیا۔ یہ ہوتی ہے ڈپلومیسی ۔ یہ ہے ترکیہ کی سفارتی کامیابی۔
یہ بھی ایک حقیقت ہے امریکہ ، ترکیہ اس سے کی جغرافیائی اسٹریٹجیک حیثیت کی بنا پر سے منہ موڑنے کی جسارت ہی نہیں کرسکتا ہے ۔ ترکیہ نے خطے میں اپنی جغرافیائی اسٹریٹجیک حثیت کی بنا پر روس اور یوکرین کے درمیان جاری جنگ کو ختم کروانے کی بھی کوشش کی ہے اور خوارک راہداری ،معاہدے پر جس طریقے سے عمل درآمد کروانے کا سلسلہ جاری رکھا ہوا ہے امریکہ بھی ترکیہ کی تعریف کرنے پر محبور ہوگیا ہے۔
ترکیہ سفارت کاری میں گزشتہ کئی سالوں سے جو رول ادا کرتا چلا آرہا ہے اور اس نے دنیا کے مختلف ممالک میں بڑی تعداد میں اپنے سفارتخانے اور قونصل خانے قائم کیے ہیں اس کے نتیجے میں وہ اس وقت چین اور امریکہ کے بعد تیسرے نمبر پر آچکا ہے۔
آسٹریلیا کے لوئی انسٹی ٹیوٹ کی جانب سے گلوبل ڈپلومیسی انڈیکس کے نام سے ایک رپورٹ جاری کی ہے۔ اس رپورٹ میں ایشیا، جی- 20 اور اقتصادی تعاون اور ترقی کی تنظیم (OECD) کے 66 ممالک کے اعداد و شمار کا جائزہ لیا گیا تاکہ دنیا کے “اہم ترین” سفارتی نیٹ ورکس کی شناخت کی جا سکے۔
رپورٹ میں جولائی اور نومبر 2023 کے درمیان 66 ممالک اور خطوں کے سرکاری اداروں سے حاصل کردہ ڈیٹا کا استعمال کیا گیا۔
اس رپورٹ کے اعدادو شمار کو مختلف ممالک اور خطوں کی درجہ بندی ان کی غیر ملکی نمائندہ سفارتخانوں ، سفارتی مشنز یا قونصل خانوں کی تعداد کے مطابق کی گئی ہے۔ اس رپورٹ کے مطابق دنیا میں وسیع ترین سفارتی نیٹ ورک رکھنے والا ملک چین ہے اور اس کے بعد امریکہ کا نمبر آتا ہے۔
رپورٹ کے مطابق ترکیہ جس کے دنیا بھر میں 261 غیر ملکی مشنز موجود ہیں دنیا میں سب سے بڑے سفارتی نیٹ ورک کی درجہ بندی میں تیسرے نمبر پر ہے۔
رپورٹ میں بتایا گیا کہ ترکیہ نے 2021 سے اب تک 11 غیر ممالک میں اپنے سفارتی مشنز قائم کیے اور یہ سفارتی مشنز زیادہ تر مشرق وسطیٰ اور افریقہ میں موجود ہیں جبکہ ترکیہ کا ڈپلومیٹک نٹ ورک کا تقریباً 40 فیصد یورپ میں واقع ہے۔
رپورٹ میں چین پہلے ، امریکا دوسرے، اور ترکیہ تیسرے نمبر پر ہے جبکہ ترکیہ نے سفارتی نٹ ورک کے لحاظ سے جاپان، فرانس، روس، برطانیہ، جرمنی، اٹلی اور برازیل جیسے ممالک کو اپنے پیچھے چھوڑ دیا ہے۔
دنیا میں اپنی سفارتکاری کا لوہا منوانے والے ملک ترکیہ نے یکم تا تین مارچ تیسرے انطالیہ ڈپلومیسی فورم کا اہتمام کیاہے جس میں 19 سربراہان مملکت، 73 وزراء اور 57 بین الاقوامی نمائندوں سمیت تقریباً 4500 شرکاء شرکت کررہے ہیں ۔یہ ہے ترک سفارتکاری ، جی ہاں اور اسی سفارتکاری ہی کے بدولت ترکیہ نے سفارتکاری کے میدان میں اپنا نام پیدا کرلیا ہے اور دنیا کے تمام ہی ممالک اس ڈپلومیسی فورم میں شرکت کو اپنے لیے ایک اعزاز سمجھ رہے ہیں ۔
عالمی ممالک
جی ہاں اسے کہتے ہیں سفارتکاری ، اور دنیا کے تمام ہی ممالک ترکیہ کے ساتھ اپنے سفارتی تعلقات کو مضبوط سے مضبوط بنانے کے لیے ہر دائم کوشاں ہیں۔
ترکیہ نے سفارتی نیٹ ورک کے لحاظ سے نہ صرف اپنی مہر ثبت کردی ہے بلکہ ترکیہ کے صدر رجب طیب ایردوان دنیا میں ثالثی کروانے کے لحاظ سے اپنا کوئی ثانی نہیں رکھتے ہیں ۔ عالمی رہنما عالمی مسائل پر صدر رجب طیب ایردوان سے صلاح و مشورہ کرنے اور اس سلسلے میں ان کی خدمات حاصل کرنے کو اب اپنے لیے بہت بڑا اعزاز سمجھنے لگے ہیں۔