نیو ائیر نائٹ میں ترک گلوکاروں کے شاندار شوز

ترکیہ اور قبرص میں کنسرٹس پیش کرکے دل گرمادیے

حُلیہ افشار (Hülya Avşar)- استنبول

حلیہ افشار نے  استنبول  میں نیو ائیر کے پروگرام میں حصہ لیتے ہوئے  حاضرین کے  دل گرمادیے۔ اس پروگرام میں  حلیہ افشار  کی بہنوں لیلیٰ  افشار، ہیلن افشار   اور ان کے کزنز  نے بھی

شرکت کی۔ حلیہ افشار اپنے   slit   ڈریس سے حاضرین کی توجہ کا مرکز بنی رہیں۔

گلشن ۔ ازمیر

ازمیر  کے شہریوں  کو ترکیہ کی مشہور گلوکارہ  گلشن  کو نیو ائیر کی رات میوزک   کنسرٹ میں سننے کا موقع میسر آیا۔   کنسرٹ میں موجود تمام شہریوں نے بیک زبان ہو کر گلشن کے ساتھ نئے سال کا  نغمہ گایااور وہاں پر موجود  تمام شہریوں نے ایک دوسرے سے گلے ملتے ہوئے ایک دوسرے کو نئے سال کی مبارکباد بھی پیش کی۔ گھڑیوں نے ٹھیک  بارہ بجانے پر   آتش بازی کا نہ رکنے والا  سلسلہ شروع ہوگیا جس سے سب بہت  مسرور ہوئے۔ گھر میں نظر بندی کے خاتمے کے بعد جب گلشن نے ازمیر میں اپنا پہلا عوامی کنسرٹ پیش کیا۔  پولیس نے پورے علاقے میں حفاظتی اقدامات اختیار کررکھے تھے۔  تاکہ  ازمیر کے لوگ نئے سال کو پُر سکون  اور  امن کے ساتھ  نئے سال کی تقریبات منائیں۔

طارقان – شمالی  قبرصی ترک جمہوریہ

ترکیہ کے ہر دلعزیز میگا اسٹار  طارقان نےنئے سال کے موقع پر شمالی قبرصی ترک جمہوریہ میں اپنا پروگرام پیش کیا اور  اپنے مداحوں کے پسندیدہ گانے گا تے ہوئے ترک قبرصیوں کے دل جیت لیے ۔ اپنے انسٹاگرام اکاؤنٹ پر رات سے اپنی تصاویر پوسٹ کرتے ہوئے گلوکار نے کہا کہ یہ  ایک یادگار رات تھی۔

حادیثے( HADISE)  –  شمالی  قبرصی ترک جمہوریہ

حادیثے  نئے سال کے موقع پر شمالی  قبرصی ترک جمہوریہ  میں    اپنا کنسرٹ پیش کیا۔ اسٹیج پر دو گھنٹے تک حاضرین کے دلوں کو گرما دینے والی  حادیثے  نے  موقع کی مناسبت   سے  چٹکلے اور  لطیفے  پیش کرتے ہوئے  حاضرین کے دل جیتنے کی کوشش کی۔ انہیں قبرصی ترک حاضرین  نے بے حد پسند کیا۔ حادیثےنے اپنے گانوں کے علاوہ غیر ملکی  گانے بھی پیش کیے۔

سیبل جان – استنبول

سیبل جان نے نئے سال کے موقع پر استنبول میں کنسرٹ پیش کیا۔ انہوں نے اپنے نئے سال کے پیغام میں کہا کہ میری تمنا ہے کہ  2023  کا  سال سب کے لیے صحت، خوشی اور امن کے قیام کا باعث بنے  اور  موسیقی سے بھر پور  یہ سال آپ کے لیے خوشیوں  کا وسیلہ ثابت ہواور  آپ کی ہر خواہش پوری  ہو۔

آجدہ  پیکان۔  شمالی  قبرصی ترک جمہوریہ

سپر اسٹار آجدہ  پیکان  بھی دیگر کئی ایک فنکاروں کی طرح   شمالی  قبرصی ترک جمہوریہ ہی میں نئے سال کا پروگرام ترتیب  دینے والی گلوکاروں میں سے ایک ہیں ۔ سپر اسٹار  آجدہ  پیکان کا خصوصی لباس  سب کی توجہ کا مرکز بنا ہوا تھا۔  اس کنسرٹ میں آجدہ  پیکان   کے گانوں کے ساتھ  ڈانسرز نے بھی اس پروگرام کو چار چاند لگا دیے۔

خاندہ  یینیر –  شمالی  قبرصی ترک جمہوریہ

مشہور پاپ گلوکارہ خاندہ  یینیر ، جنہوں نے اپنا نیا البم  تیار کیا ہے  لیکن  ابھی تک اسے  شائقین   سے خفیہ رکھا ہوا  تھا  نے قبرص میں اپنے  پرگروام میں اس نئے البم کے گانے  حاضرین کو سنائے۔

اپنے مداحوں  سے گفتگو کرتے ہوئے انہوں نے کہا کہ وہ  ہر دس سال ترک موسیقی  میں نیا انقلاب  لاتے ہوئے   موسیقی میں  نئی روح پھونکتی ہیں اور یہ میرا نیا البم  میوزک کی دنیا میں ہل چل پیدا کردے گا۔

ایرول ایوگن –  شمالی  قبرصی ترک جمہوریہ

ایرول ایوگین نے نیکوسیا میں نئے سال کا خیر مقدم کیا ۔ ایوگین، جو سیاہ پتلون اور سرخ جیکٹ کے ساتھ مل کر ایک سفید قمیض پرٹیکسیڈو پہنے   اسٹیج پر نمودار ہوئے اور  قبرصی ترکوں کے ساتھ ایک یادگار نئے سال کا پروگرام پیش کیا۔

گلبین ارایرگین – شمالی  قبرصی ترک جمہوریہ

گلوکار گلبین ارایرگین نے دیگر  گلوکاروں  کی طرح  شمالی قبرصی ترک جمہوریہ میں اپنا کنسرٹ پیش کیا اور  اپنے نغموں سے لوگوں کو جھومنے پر مجبور  کردیا اور سب نئے سال کی اس رات  میں  گلوکارہ سے اپنی پسند کے نغموں کی فرمائش کی جسے  گلوکارہ نے  بڑی خوشی سے قبول کرتے ہوئے ان کےلیے نغمے گائے اور نئے سال کو خوب انجوائے کیا۔